Elordanyń turǵyn úi alaptarynyń jeke sektorynda kólik quraldarynyń qozǵalys jyldamdyǵyn 40 km/saǵatqa deiin shekteý máselesi qarastyrylyp jatyr. Bul týraly qalalyq Politsiia departamentinen málim boldy, dep habarlaidy "Ulta qparat".
«Jol qozǵalysy qaýipsizdigin qamtamasyz etý jáne apattylyqty tómendetý maqsatynda Politsiia departamenti elordanyń jeke sektorynyń negizgi joldarynda (Ilinka, Úrker, Kóktal, Agrogorodok, Jeleznodorojnyi, Prigorodnyi, Internatsionalnyi, Kúigenjar, Michýrino) eń joǵary jyldamdyqty 40 km/saǵatqa deiin shekteý týraly máseleni qarastyrýda.Sondai-aq, tájiribelik nusqada jaiaý júrginshiler ótpesi – pandýs paidalanylmaq, iaǵni ol jaqyndaǵan kólik quraldarynyń jyldamdyǵyn májbúrlep tómendetý úshin qoldanylatyn bolady», - delingen habarlamada.
Politsiia departamentiniń málimetinshe, bul is-sharalar quqyq buzýshylyqtarǵa jol bermeýge jáne jol-kólik oqiǵalaryn aldyn alýǵa, onyń ishinde jaiaý júrginshilerdiń qaýipsizdigine ári kólik jyldamdyǵy tártibin oryndaýǵa bailanysty qadamdardy iske asyrýǵa múmkindik beredi.
Júrgizilgen taldaýǵa sáikes, 2020 jyldyń 12 aiynda atalǵan turǵyn úi alaptarynda 914 jol-kólik oqiǵasy tirkelgen, onyń ishinde 900-den astam adam túrli dárejedegi dene jaraqatyn alǵan.
