Nur-Sultandaǵy «Jasyl beldeýdiń» qalai damyp jatqany týraly Elorda ákimi Altai Kólginov aityp berdi, dep habarlaidy "Ult aqparat" qala ákiminiń Instagram jelisindegi paraqshasyna silteme jasap.
«Elordanyń «jasyl beldeýi» – qala qalqany. Qalanyń klimaty tym kontinenttik ekenin eskere otyryp, «jasyl beldeý» ekologiiany aitarlyqtai jaqsartyp qana qoimai, klimattyq jaǵdaidy jumsartýǵa múmkindik beredi.
Bizdiń mindetimiz – qalanyń «ókpesi» sanalatyn «jasyl beldeýdi» qorektendirý. Tek biyldyń ózi osy aýmaqta 900 myńǵa jýyq kóshet otyrǵyzamyz. Olardyń jartysy otyrǵyzylyp úlgerdi. Jalpy «jasyl beldeý» aýmaǵynda 9,6 millionnan astam aǵash pen 1,8 millionǵa jýyq butalar ósedi.
Sonymen qatar faýnany damytýmen de ainalysamyz. Qustardyń, onyń ishinde qyrǵaýyl sanyn kóbeitý úshin fazanariidi keńeitý jáne qaita qurý jumystary júrgizildi. Bul bizge qyrǵaýyl sanyn jylyna 2 myń qusqa deiin arttyrýǵa múmkindik beredi. Mysaly, qyrǵaýyldardy ósirý – ziiankesterden (jándikterden) qorǵaýdyń biologiialyq ádisi, sonymen qatar qyrǵaýyldardyń tirshilik etý ortasynyń keńeiýine yqpal etedi. Sonymen qatar «jasyl beldeý» aýmaǵynda qoian, túlki, qarsaq, kekilik jáne t. b. tirshilik etedi.
Sondai-aq beldeý aýmaǵynda at jolyn salý jumystaryn júrgizemiz. Ýaqytty belsendi ótkizý úshin skeitbordingke arnalǵan alańdardy jailastyramyz, tennis, fýtbol alańdaryn, balalar oiyn aimaqtaryn jáne t. b. ornatamyz, sondai-aq jaiaý serýendeýge jáne kross-kantri sabaqtaryna arnalǵan joldardy salamyz. Sonymen qatar qala turǵyndaryna unaǵan velojol jelisin keńeitýdemiz.
«Jasyl beldeý» mańynda qoldanystaǵy ippodrom bazasynda erekshe qajettiligi bar balalardy ońaltýǵa arnalǵan at-sport kesheniniń qurylysyn júrgizip jatyrmyz. Ippodrom bazasyn úsh baǵyt boiynsha damytamyz: ippoterapiia, ulttyq jáne klassikalyq sport túrlerin ótkizý jáne daiyndaý, sondai-aq týristik marshrýttar – bul jerde atpen serýendeý damytylady.
Osylaisha «jasyl beldeý» qala qalqanynan basqa, qala turǵyndary men qonaqtary úshin tartylys orny sanalady, ol taza aýada ýaqyt ótkizý úshin barynsha qolaily jáne tartymdy», - dep qorytty ákim.
