نۇر-سۇلتانداعى «جاسىل بەلدەۋدٸڭ» قالاي دامىپ جاتقانى تۋرالى ەلوردا ەكٸمٸ التاي كٶلگٸنوۆ ايتىپ بەردٸ, دەپ حابارلايدى "ۇلت اقپارات" قالا ەكٸمٸنٸڭ Instagram جەلٸسٸندەگٸ پاراقشاسىنا سٸلتەمە جاساپ.
«ەلوردانىڭ «جاسىل بەلدەۋٸ» – قالا قالقانى. قالانىڭ كليماتى تىم كونتينەنتتٸك ەكەنٸن ەسكەرە وتىرىپ, «جاسىل بەلدەۋ» ەكولوگييانى ايتارلىقتاي جاقسارتىپ قانا قويماي, كليماتتىق جاعدايدى جۇمسارتۋعا مٷمكٸندٸك بەرەدٸ.
بٸزدٸڭ مٸندەتٸمٸز – قالانىڭ «ٶكپەسٸ» سانالاتىن «جاسىل بەلدەۋدٸ» قورەكتەندٸرۋ. تەك بيىلدىڭ ٶزٸ وسى اۋماقتا 900 مىڭعا جۋىق كٶشەت وتىرعىزامىز. ولاردىڭ جارتىسى وتىرعىزىلىپ ٷلگەردٸ. جالپى «جاسىل بەلدەۋ» اۋماعىندا 9,6 ميلليوننان استام اعاش پەن 1,8 ميلليونعا جۋىق بۇتالار ٶسەدٸ.
سونىمەن قاتار فاۋنانى دامىتۋمەن دە اينالىسامىز. قۇستاردىڭ, ونىڭ ٸشٸندە قىرعاۋىل سانىن كٶبەيتۋ ٷشٸن فازانارييدٸ كەڭەيتۋ جەنە قايتا قۇرۋ جۇمىستارى جٷرگٸزٸلدٸ. بۇل بٸزگە قىرعاۋىل سانىن جىلىنا 2 مىڭ قۇسقا دەيٸن ارتتىرۋعا مٷمكٸندٸك بەرەدٸ. مىسالى, قىرعاۋىلداردى ٶسٸرۋ – زييانكەستەردەن (جەندٸكتەردەن) قورعاۋدىڭ بيولوگييالىق ەدٸسٸ, سونىمەن قاتار قىرعاۋىلداردىڭ تٸرشٸلٸك ەتۋ ورتاسىنىڭ كەڭەيۋٸنە ىقپال ەتەدٸ. سونىمەن قاتار «جاسىل بەلدەۋ» اۋماعىندا قويان, تٷلكٸ, قارساق, كەكٸلٸك جەنە ت. ب. تٸرشٸلٸك ەتەدٸ.
سونداي-اق بەلدەۋ اۋماعىندا ات جولىن سالۋ جۇمىستارىن جٷرگٸزەمٸز. ۋاقىتتى بەلسەندٸ ٶتكٸزۋ ٷشٸن سكەيتبوردينگكە ارنالعان الاڭداردى جايلاستىرامىز, تەننيس, فۋتبول الاڭدارىن, بالالار ويىن ايماقتارىن جەنە ت. ب. ورناتامىز, سونداي-اق جاياۋ سەرۋەندەۋگە جەنە كروسس-كانتري ساباقتارىنا ارنالعان جولداردى سالامىز. سونىمەن قاتار قالا تۇرعىندارىنا ۇناعان ۆەلوجول جەلٸسٸن كەڭەيتۋدەمٸز.
«جاسىل بەلدەۋ» ماڭىندا قولدانىستاعى يپپودروم بازاسىندا ەرەكشە قاجەتتٸلٸگٸ بار بالالاردى وڭالتۋعا ارنالعان ات-سپورت كەشەنٸنٸڭ قۇرىلىسىن جٷرگٸزٸپ جاتىرمىز. يپپودروم بازاسىن ٷش باعىت بويىنشا دامىتامىز: يپپوتەراپييا, ۇلتتىق جەنە كلاسسيكالىق سپورت تٷرلەرٸن ٶتكٸزۋ جەنە دايىنداۋ, سونداي-اق تۋريستٸك مارشرۋتتار – بۇل جەردە اتپەن سەرۋەندەۋ دامىتىلادى.
وسىلايشا «جاسىل بەلدەۋ» قالا قالقانىنان باسقا, قالا تۇرعىندارى مەن قوناقتارى ٷشٸن تارتىلىس ورنى سانالادى, ول تازا اۋادا ۋاقىت ٶتكٸزۋ ٷشٸن بارىنشا قولايلى جەنە تارتىمدى», - دەپ قورىتتى ەكٸم.
