Elordadaǵy «SQ-Farmatsiianyń» logistikalyq habynda COVID-19-ǵa qarsy dári-dármek qory tekserildi, dep habarlaidy "Ult aqparat".
Atalǵan kompaniia málimetinshe, Nur-Sultan qalasynda biryńǵai distribiýter arqyly elimizdiń 85 meditsinalyq uiymy qajetti dárilik zattarmen qamtamasyz etiledi. Olardyń beseýi respýblikalyq jáne jáne 80-i qalalyq mańyzy bar meditsinalyq uiym sanalady. Meditsinalyq uiymdardyń meken jaiyna taýarlardy jóneltý elordadaǵy taratý qoimasynan júzege asyrylady.
Elordadaǵy logistikalyq hab SQO, Pavlodar, Aqmola, Qaraǵandy, Qostanai oblystary men Nur-Sultan qalasynyń 2-6 ailyq qajettiligine qajetti taýarlardy jetkizýshiden qabyl alyp, saqtaýǵa arnalǵan.
Biyl joǵaryda atalǵan 85 tapsyrys berýshimen qosymsha ótinimderdi qosa alǵanda jalpy somasy 16,77 mlrd teńge bolatyn dárilik zattar men meditsinalyq buiymdardy jetkizýge arnalǵan 915 satyp alý kelisimsharty jasalǵan. Qazirgi ýaqytta biryńǵai distribiýter josparlanǵan 16,77 mlrd teńgeniń 15,64 mlrd teńgesine taýlarlardy jóneltip otyr. Buǵan qosa, koronavirýs infektsiiasymen aýyrǵan naýqastardy emdeýge arnalǵan 2,4 mlrd teńgeniń dárilik zattarymen meditsinalyq buiymdary óńirlerge jiberildi.
Ambýlatorlyq deńgeide 38 meditsinalyq uiym biyl jalpy somasy 13,7 mlrd teńge bolatyn dárilik zattar men meditsinalyq buiymdardy satyp alýǵa ótinim berip otyr.
Qazirgi ýaqytta atalǵan kólemniń 10,94 mlrd teńgesin sai keletin dárilik zattar men meditsnalyq buiymdar óńirlerge jiberildi.
