Astanadaǵy mektep ashanalarynda jańa jyldan bastap as məziri ózgeredi. Bul týraly Astana qalasy bilim basqarmasynyń basshysy Ənýar Janǵozin málim etti, dep habarlaidy QazAqparat tilshisi.
Ənýar Janǵozinniń aitýyna qaraǵanda, kelesi jyldyń qańtar aiynan bastap jańartylǵan as máziri qaladaǵy 41 orta mektepke engiziledi. Sodan keiin bul ózgeris basqa mektepterdi de qamtityn bolady. Tarqata aitqanda, aldaǵy jyly QR Bilim jáne ǵylym ministrliginiń №717 buiryǵyndaǵy jańa ózgeristerge səikes, tamaqtaný erejeleri jariialanady.
«Birinshiden, balalar jańa as məzir boiynsha tolyqqandy tamaqtanady. Ekinshiden, atalǵan məzirge túrli tamaq túri, iaǵni densaýlyqqa paidaly jemister men kókónister engizilmek. Mysaly, tańerteń balalarǵa jańa as máziri boiynsha súttegi kúrish botqasy, býterbrod (mai men irimshik), jemis-jidek, alma nemese kúrish, qant qosylǵan shai beriledi. Al saǵat 10-nan keiin oqityn oqýshylarǵa siyrdyń etinen jasalǵan kotlet, makaron, alma jáne qant qosylǵan shai beriledi», - dedi basqarma basshysy Astana qalasy ákimdiginde ótken brifingte.
Ənýar Janǵozinniń aitýynsha, jańa as máziriniń baǵasy ár balaǵa 355 teńge bolady. Jalpy kelesi jyly oqýshylardy tegin ystyq tamaqpen qamtamasyz etýge jergilikti biýdjetten 4 mlrd teńge shamasynda qarajat qarastyrylǵan. Al jańa as mázirin Qazaq taǵamtaný akademiiasy maquldap otyr.
