Jeksenbi kúni Nur-Sultan qalasyndaǵy «Gúljan» saýda úiiniń mańynda bolǵan kólik apatynyń jai-japsaryn qalalyq qoǵamdyq densaýlyq saqtaý basqarmasy basshysynyń orynbasary Áliia Rústemova aityp berdi, dep habarlaidy QazAqparat tilshisi.
BAQ ókilderiniń suraǵyna jaýap bergen Áliia Rústemova apattan kóz jumǵan áiel jedel járdem kóligi kelgende esin bilip jatqan degen aqparattyń jalǵan ekenin aitty.
«Gúljan» saýda úiiniń aýdanynda eki jeńil kólik soqtyǵysyp, gazet satatyn dúńgirshekke kirip ketken. Dúńgirshek mańynda bolǵan adamdar zardap shegip, 1967 jylǵy áiel adam oqiǵa ornynda kóz jumdy. Jaraqattyń aýyr bolǵany sonshalyq, ol dárigerler jetkenshe jan tapsyrǵan. Jedel járdem oqiǵa ornynda «biologiialyq ólim» tirkedi.
Jedel járdem oqiǵa ornyna 4 minýttyń ishinde jetken. Qala boiynsha 14 shaǵyn qosalqy stansamyz bar. Sonyń biri osy saýda ortalyǵyna jaqyn jerde ornalasqan. Habar túskende brigada sol stansadan shyqty», - deidi basqarma ókili.
