Elordadaǵy J. Táshenov kóshesinde nóser káriziniń magistraldyq kollektoryn salý jumystarynyń júrgizilýine bailanysty 22 qazannan 22 qarashaǵa deiin A. Baraev kóshesiniń qiylysy men J.Táshenov sholaq kóshesindegi qozǵalys jabylatyn bolady, dep habarlaidy "Ult aqparat" qala ákimdiginiń resmi saityna silteme jasap.
Kólik quraldarynyń qozǵalysy ýaqytsha shema boiynsha uiymdastyrylady.
«Nur-Sultan qalasynyń politsiia departamenti qala joldarynda keptelis týdyrmas úshin kólik júrgizýshilerine óz marshrýttaryn aldyn ala josparlaýdy usynady. Jóndeý jumystary júrgizilip jatqan nemese aiaqtalmaǵan jol ýchaskelerine barynsha muqiiat bolý jáne Qazaqstan Respýblikasynyń Jol qozǵalysy erejeleriniń talaptaryn saqtai otyryp, ýaqytsha shema boiynsha belgilengen jol belgilerin basshylyqqa alý qajet», – delingen taratylǵan habarlamada.
Osy ýchaskedegi jyldamdyq 40 km/saǵ deiin shektelgen.
