Nur-Sultan qalasynda ornalasqan «Qazaqmys» korporatsiiasy ǵimaratynda oryn alǵan órt oqiǵasynyń aldyn ala saldary ataldy, dep habarlaidy QazAqparat.
«Keshe saǵat 18:33-te «101» pýltine Turan dańǵyly 37 mekenjaiynda ornalasqan ákimshilik biznes ortalyǵynda órt shyqqany týraly habarlama kelip tústi. Anyqtalǵandai ǵimarattyń syrtqy qabyrǵasynyń qaptamasynan órt shyqqan. Aldyn ala málimet boiynsha órt ot jaǵý kezinde qaýipsizdik erejeleriniń saqtalmaýynan oryn alǵan. Oqys oqiǵaǵa qatysty is Politsiia departamentine jiberildi. Búginde shyǵyn kólemi anyqtalyp jatyr. Qaza bolǵandar men zardap shekkender joq», - dedi QR Tótenshe jaǵdailar ministrligi Órtke qarsy qyzmet komitetiniń basqarma tóraǵasy Erlan Tóregeldiev OKQ-de ótken baspasóz máslihatynda.
Aita ketsek, keshe qalalyq Tótenshe jaǵdailar departamenti Turan dańǵylynyń boiyndaǵy ǵimarattardyń birinen órt shyqqany týraly habarlaǵan edi.
Tilsiz jaýmen kúreske jeke quramnan 44 adam men 11 tehnika jumyldyrylǵan.
