نۇر-سۇلتان قالاسىندا ورنالاسقان «قازاقمىس» كورپوراتسيياسى عيماراتىندا ورىن العان ٶرت وقيعاسىنىڭ الدىن الا سالدارى اتالدى, دەپ حابارلايدى قازاقپارات.
«كەشە ساعات 18:33-تە «101» پۋلتٸنە تۇران داڭعىلى 37 مەكەنجايىندا ورنالاسقان ەكٸمشٸلٸك بيزنەس ورتالىعىندا ٶرت شىققانى تۋرالى حابارلاما كەلٸپ تٷستٸ. انىقتالعانداي عيماراتتىڭ سىرتقى قابىرعاسىنىڭ قاپتاماسىنان ٶرت شىققان. الدىن الا مەلٸمەت بويىنشا ٶرت وت جاعۋ كەزٸندە قاۋٸپسٸزدٸك ەرەجەلەرٸنٸڭ ساقتالماۋىنان ورىن العان. وقىس وقيعاعا قاتىستى ٸس پوليتسييا دەپارتامەنتٸنە جٸبەرٸلدٸ. بٷگٸندە شىعىن كٶلەمٸ انىقتالىپ جاتىر. قازا بولعاندار مەن زارداپ شەككەندەر جوق», - دەدٸ قر تٶتەنشە جاعدايلار مينيسترلٸگٸ ٶرتكە قارسى قىزمەت كوميتەتٸنٸڭ باسقارما تٶراعاسى ەرلان تٶرەگەلديەۆ وكق-دە ٶتكەن باسپاسٶز مەسليحاتىندا.
ايتا كەتسەك, كەشە قالالىق تٶتەنشە جاعدايلار دەپارتامەنتٸ تۇران داڭعىلىنىڭ بويىنداعى عيماراتتاردىڭ بٸرٸنەن ٶرت شىققانى تۋرالى حابارلاعان ەدٸ.
تٸلسٸز جاۋمەن كٷرەسكە جەكە قۇرامنان 44 ادام مەن 11 تەحنيكا جۇمىلدىرىلعان.
