Elorda politseileri qaladaǵy kásiporyndardyń birinde qyzmet etip, iri kólemde aqshasyn jymqyrdy degen kúdikpen er adamdy ustady, dep habarlaidy "Ult aqparat" Nur-Sultan qalasynyń Politsiia departamentine silteme jasap.
Politsiiaǵa 1 mln 200 myń teńge kóleminde aqshany jumsap qoiý faktisimen elordadaǵy kásiporyn basshysy shaǵymdanǵan.
Tergeý barysynda politseiler kásiporyn qyzmetkeriniń ózine shikizatty satyp alý úshin senip tapsyrylǵan qarajatty alǵan soń ony jumsap qoiyp, odan keiin jumys berýshimen bailanysqa shyqpai qoiǵany anyqtaldy.
Jedel-izdeý sharalaryn júrgizý kezinde kúdikti azamat anyqtalyp, ustaldy. Buryn tonaý qylmysy úshin jaýapqa tartylǵan elordanyń 36 jastaǵy turǵyny kinásin moiyndady.
Atalǵan faktimen QR Qylmystyq kodeksiniń 189-babymen («senip tapsyrylǵan ózgeniń múligin iemdený nemese jumsaý») sot aldyndaǵy tergeý amaldary júrgizilip jatyr.
