ەلوردا پوليتسەيلەرٸ قالاداعى كەسٸپورىنداردىڭ بٸرٸندە قىزمەت ەتٸپ, ٸرٸ كٶلەمدە اقشاسىن جىمقىردى دەگەن كٷدٸكپەن ەر ادامدى ۇستادى, دەپ حابارلايدى "ۇلت اقپارات" نۇر-سۇلتان قالاسىنىڭ پوليتسييا دەپارتامەنتٸنە سٸلتەمە جاساپ.
پوليتسيياعا 1 ملن 200 مىڭ تەڭگە كٶلەمٸندە اقشانى جۇمساپ قويۋ فاكتٸسٸمەن ەلورداداعى كەسٸپورىن باسشىسى شاعىمدانعان.
تەرگەۋ بارىسىندا پوليتسەيلەر كەسٸپورىن قىزمەتكەرٸنٸڭ ٶزٸنە شيكٸزاتتى ساتىپ الۋ ٷشٸن سەنٸپ تاپسىرىلعان قاراجاتتى العان سوڭ ونى جۇمساپ قويىپ, ودان كەيٸن جۇمىس بەرۋشٸمەن بايلانىسقا شىقپاي قويعانى انىقتالدى.
جەدەل-ٸزدەۋ شارالارىن جٷرگٸزۋ كەزٸندە كٷدٸكتٸ ازامات انىقتالىپ, ۇستالدى. بۇرىن توناۋ قىلمىسى ٷشٸن جاۋاپقا تارتىلعان ەلوردانىڭ 36 جاستاعى تۇرعىنى كٸنەسٸن مويىندادى.
اتالعان فاكتٸمەن قر قىلمىستىق كودەكسٸنٸڭ 189-بابىمەن («سەنٸپ تاپسىرىلعان ٶزگەنٸڭ مٷلٸگٸن يەمدەنۋ نەمەسە جۇمساۋ») سوت الدىنداعى تەرگەۋ امالدارى جٷرگٸزٸلٸپ جاتىر.
