Karantin tártibiniń udaiy buzylýyna bailanysty elordadaǵy birqatar basqa da oiyn-saýyq mekemeleriniń jumysy toqtatylýy múmkin, dep habarlaidy "Ult aqparat" qala ákimdiginiń resmi saityna silteme jasap.
Búgingi tańda segiz material Nur-Sultan mamandandyrylǵan aýdanaralyq ákimshilik sotyna jiberilip, «Alanya» túngi klýby men «Janym Sol» karaoke-barynyń jumysyn toqtatý týraly sheshim qabyldandy.
Sondai-aq «SOVA» karaoke-baryna, «Echo» baryna, «ZOLOTO» meiramhanasyna, «Storis» demalys ornyna qatysty materialdar qarastyrylýda. «Teqila» laýndj-baryna eki hattama jasalǵan.
«Ótken demalys kúnderi tizimde kórsetilgen birqatar nysandarǵa qatysty birneshe ret jedel habarlamalar kelip tústi, jospardan tys tekserýler júrgizildi, onyń barysynda buzýshylyq faktileri rastaldy. Tekserý nátijeleri boiynsha materialdar ákimshilik sotqa qosymsha dálel retinde jiberildi», - dedi Nur-Sultannyń bas memlekettik sanitarlyq dárigeri Janna Pirálieva.
Sonymen qatar mereke kúnderi «Mega Silk Way» saýda oiyn-saýyq ortalyǵyndaǵy «Kango» batýt ortalyǵy men Turan dańǵyly, 21 meken-jaiyndaǵy «Icon» klýbyna qatysty birneshe ret jedel habarlamalar kelip tústi. Sonymen qatar buǵan deiin atalǵan nysandarǵa buzýshylyqty joiý týraly nusqaýlar berilgen bolatyn. Osy nysandarǵa qatysty, buiryqty oryndamaǵany úshin ákimshilik quqyq buzýshylyq týraly hattama qaraýǵa ákimshilik sotqa jiberiledi.
Eske salaiyq, qalada ákimdik, politsiia, aýdandyq sanitarlyq-epidemiologiialyq baqylaý basqarmalary qyzmetkerleri kásipkerlik sýbektilerine karantin jáne shekteý sharalarynyń saqtalýyna baqylaý júrgizýde. Shildeden bastap osy ýaqytqa deiin 1 297 jeke, laýazymdy jáne zańdy tulǵalar 261 buzýshylyqtary úshin 296 654 teńgege ákimshilik jaýapkershilikke tartyldy.
