كارانتين تەرتٸبٸنٸڭ ۇدايى بۇزىلۋىنا بايلانىستى ەلورداداعى بٸرقاتار باسقا دا ويىن-ساۋىق مەكەمەلەرٸنٸڭ جۇمىسى توقتاتىلۋى مٷمكٸن, دەپ حابارلايدى "ۇلت اقپارات" قالا ەكٸمدٸگٸنٸڭ رەسمي سايتىنا سٸلتەمە جاساپ.
بٷگٸنگٸ تاڭدا سەگٸز ماتەريال نۇر-سۇلتان مامانداندىرىلعان اۋدانارالىق ەكٸمشٸلٸك سوتىنا جٸبەرٸلٸپ, «Alanya» تٷنگٸ كلۋبى مەن «Janym Sol» كاراوكە-بارىنىڭ جۇمىسىن توقتاتۋ تۋرالى شەشٸم قابىلداندى.
سونداي-اق «SOVA» كاراوكە-بارىنا, «Echo» بارىنا, «ZOLOTO» مەيرامحاناسىنا, «ستوريس» دەمالىس ورنىنا قاتىستى ماتەريالدار قاراستىرىلۋدا. «Teqila» لاۋندج-بارىنا ەكٸ حاتتاما جاسالعان.
«ٶتكەن دەمالىس كٷندەرٸ تٸزٸمدە كٶرسەتٸلگەن بٸرقاتار نىساندارعا قاتىستى بٸرنەشە رەت جەدەل حابارلامالار كەلٸپ تٷستٸ, جوسپاردان تىس تەكسەرۋلەر جٷرگٸزٸلدٸ, ونىڭ بارىسىندا بۇزۋشىلىق فاكتٸلەرٸ راستالدى. تەكسەرۋ نەتيجەلەرٸ بويىنشا ماتەريالدار ەكٸمشٸلٸك سوتقا قوسىمشا دەلەل رەتٸندە جٸبەرٸلدٸ», - دەدٸ نۇر-سۇلتاننىڭ باس مەملەكەتتٸك سانيتارلىق دەرٸگەرٸ جاننا پٸرەليەۆا.
سونىمەن قاتار مەرەكە كٷندەرٸ «Mega Silk Way» ساۋدا ويىن-ساۋىق ورتالىعىنداعى «Kango» باتۋت ورتالىعى مەن تۇران داڭعىلى, 21 مەكەن-جايىنداعى «Icon» كلۋبىنا قاتىستى بٸرنەشە رەت جەدەل حابارلامالار كەلٸپ تٷستٸ. سونىمەن قاتار بۇعان دەيٸن اتالعان نىساندارعا بۇزۋشىلىقتى جويۋ تۋرالى نۇسقاۋلار بەرٸلگەن بولاتىن. وسى نىساندارعا قاتىستى, بۇيرىقتى ورىنداماعانى ٷشٸن ەكٸمشٸلٸك قۇقىق بۇزۋشىلىق تۋرالى حاتتاما قاراۋعا ەكٸمشٸلٸك سوتقا جٸبەرٸلەدٸ.
ەسكە سالايىق, قالادا ەكٸمدٸك, پوليتسييا, اۋداندىق سانيتارلىق-ەپيدەميولوگييالىق باقىلاۋ باسقارمالارى قىزمەتكەرلەرٸ كەسٸپكەرلٸك سۋبەكتٸلەرٸنە كارانتين جەنە شەكتەۋ شارالارىنىڭ ساقتالۋىنا باقىلاۋ جٷرگٸزۋدە. شٸلدەدەن باستاپ وسى ۋاقىتقا دەيٸن 1 297 جەكە, لاۋازىمدى جەنە زاڭدى تۇلعالار 261 بۇزۋشىلىقتارى ٷشٸن 296 654 تەڭگەگە ەكٸمشٸلٸك جاۋاپكەرشٸلٸككە تارتىلدى.
