foto: Sputnik
Nur-Sultan qalasynyń órt sóndirýshilerine "Astyqjan" saýda ortalyǵynan shyqqan órtti sóndirýge úsh saǵattan asa ýaqyt qajet boldy, dep habarlaidy Sputnik agenttigi.
Aldyn ala málimet boiynsha órt aýmaǵy 14 myń sharshy metrdi qurady.
"Tilsiz jaýdy sóndirýge qalalyq TJD kúshteri men quraldary – 105 adam jáne 26 tehnika, sondai-aq kommýnaldyq qyzmettiń segiz mashinasy jumyldyryldy", - dep málimdedi elordanyń tótenshe jaǵdailar departamenti.
Eske salsaq, búgin, 2 qazan saǵat 09:40-ta "Astyqjan" saýda ortalyǵynan órt shyqty. Ǵimarattyń úshinshi qabatynda jihaz salony janǵan.
Sondai-aq, qutqarýshylar kelgenge deiin órtten aman qalý úshin 20 jastaǵy qyz terezeden sekirip ketken. Anyqtalǵandai, ol - "Ýniversal" jihaz tsehynyń qyzmetkeri. Zardap shekken boijetken aýrýhanaǵa jetkizildi, jaǵdaiy - ortasha aýyr.
