Elordada jiti rispiratorlyq virýstyq infektsiiamen aýyrǵandar sany artty. Bul týraly Nur-Sultan qalalyq bas memlekettik sanitar dárigeriniń orynbasary Janna Pirálieva aitty, dep habarlaidy QazAqparat.
«Jiti rispiratorlyq virýstyq infektsiiaǵa qatysty epidemiologiialyq ahýalǵa azdy-kem toqtalyp ótkenim jón bolar. 2021 jyldyń basynan beri Nur-Sultan qalasy turǵyndarynyń arasynda JRVI-diń 32,5 myń jaǵdaiy tirkeldi. 100 myń turǵynǵa shaqqandaǵy kórsetkish – 2 814. Bul ótken jylǵy kórsetkishten 43,3 paiyzǵa joǵary. Byltyr 20 706 jaǵdai tirkelgen bolatyn», - dedi ol elorda ákimdiginde ótken brifing barysynda.
Onyń atap ótýinshe, 14 jasqa deiingi balalar arasynda JRVI-diń 15 635 jaǵdaiy tirkelgen. Sońǵy aptanyń ózinde 1 054 bala aýyryp qalǵan. Ótken aptamen salystyrǵanda balalar arasynda JRVI-men aýrý 32 paiyzǵa ósip otyr.
«JRVI-men aýrýdyń aptalyq kórsetkishi baqylaý deńgeiinen asyp otyrǵan joq. Sońǵy 2020-2021 jyldarǵy epidemiologiialyq maýsymda JRVI-diń 25 252 jaǵdaiy tirkeldi. Onyń ishinde 15 090 bala aýyrdy», - dedi Janna Pirálieva.
