ەلوردادا جٸتٸ ريسپيراتورلىق ۆيرۋستىق ينفەكتسييامەن اۋىرعاندار سانى ارتتى. بۇل تۋرالى نۇر-سۇلتان قالالىق باس مەملەكەتتٸك سانيتار دەرٸگەرٸنٸڭ ورىنباسارى جاننا پٸرەليەۆا ايتتى, دەپ حابارلايدى قازاقپارات.
«جٸتٸ ريسپيراتورلىق ۆيرۋستىق ينفەكتسيياعا قاتىستى ەپيدەميولوگييالىق احۋالعا ازدى-كەم توقتالىپ ٶتكەنٸم جٶن بولار. 2021 جىلدىڭ باسىنان بەرٸ نۇر-سۇلتان قالاسى تۇرعىندارىنىڭ اراسىندا جرۆي-دٸڭ 32,5 مىڭ جاعدايى تٸركەلدٸ. 100 مىڭ تۇرعىنعا شاققانداعى كٶرسەتكٸش – 2 814. بۇل ٶتكەن جىلعى كٶرسەتكٸشتەن 43,3 پايىزعا جوعارى. بىلتىر 20 706 جاعداي تٸركەلگەن بولاتىن», - دەدٸ ول ەلوردا ەكٸمدٸگٸندە ٶتكەن بريفينگ بارىسىندا.
ونىڭ اتاپ ٶتۋٸنشە, 14 جاسقا دەيٸنگٸ بالالار اراسىندا جرۆي-دٸڭ 15 635 جاعدايى تٸركەلگەن. سوڭعى اپتانىڭ ٶزٸندە 1 054 بالا اۋىرىپ قالعان. ٶتكەن اپتامەن سالىستىرعاندا بالالار اراسىندا جرۆي-مەن اۋرۋ 32 پايىزعا ٶسٸپ وتىر.
«جرۆي-مەن اۋرۋدىڭ اپتالىق كٶرسەتكٸشٸ باقىلاۋ دەڭگەيٸنەن اسىپ وتىرعان جوق. سوڭعى 2020-2021 جىلدارعى ەپيدەميولوگييالىق ماۋسىمدا جرۆي-دٸڭ 25 252 جاعدايى تٸركەلدٸ. ونىڭ ٸشٸندە 15 090 بالا اۋىردى», - دەدٸ جاننا پٸرەليەۆا.
