Nur-Sultan qalasynda jolaýshylar avtobýsynan órt shyqty, dep habarlaidy QazAqparat Tótenshe jaǵdailar departamentiniń baspasóz qyzmetine silteme jasap.
«Búgin saǵat 18:44-te Baiqońyr aýdany Kravtsov kóshesi 9a mekenjaiyndaǵy «Tselinnyi» móltekaýdany aialdamasynda avtobýs órtendi. «Iveko» markaly №28 qalalyq marshrýttyń qozǵaltqyshynan órt shyqqan. Jolaýshylar dereý avtobýstan túsirilip, órt sóndirildi. Zardap shekkender joq», - delingen habarlamada.
Órtti sóndirýge TJD-niń 7 qyzmetkeri jáne 1 tehnika jumyldyrylǵan.
CTS kompaniiasynyń baspasóz qyzmeti oqiǵa ornynda TJ qyzmetkeri tekserý hattamasyn jasap, júrgizýshiden túsinikteme alǵandyǵyn habarlady.
Is materialdary órt-tehnikalyq zerthananyń saraptama bólimine jiberildi.
Atalǵan marshrýttyq kólik búgin tańerteń reis aldyndaǵy tehnikalyq baiqaýdan ótken. Sońǵy tehnikalyq tekserý 27 mamyrda júrgizilgen.
Aita keteiik, barlyq avtobýstar ár 6 ai saiyn jalpy tehnikalyq tekserýden ótedi.
