نۇر-سۇلتان قالاسىندا جولاۋشىلار اۆتوبۋسىنان ٶرت شىقتى, دەپ حابارلايدى قازاقپارات تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«بٷگٸن ساعات 18:44-تە بايقوڭىر اۋدانى كراۆتسوۆ كٶشەسٸ 9ا مەكەنجايىنداعى «تسەليننىي» مٶلتەكاۋدانى ايالداماسىندا اۆتوبۋس ٶرتەندٸ. «يۆەكو» ماركالى №28 قالالىق مارشرۋتتىڭ قوزعالتقىشىنان ٶرت شىققان. جولاۋشىلار دەرەۋ اۆتوبۋستان تٷسٸرٸلٸپ, ٶرت سٶندٸرٸلدٸ. زارداپ شەككەندەر جوق», - دەلٸنگەن حابارلامادا.
ٶرتتٸ سٶندٸرۋگە تجد-نٸڭ 7 قىزمەتكەرٸ جەنە 1 تەحنيكا جۇمىلدىرىلعان.
CTS كومپانيياسىنىڭ باسپاسٶز قىزمەتٸ وقيعا ورنىندا تج قىزمەتكەرٸ تەكسەرۋ حاتتاماسىن جاساپ, جٷرگٸزۋشٸدەن تٷسٸنٸكتەمە العاندىعىن حابارلادى.
ٸس ماتەريالدارى ٶرت-تەحنيكالىق زەرتحانانىڭ ساراپتاما بٶلٸمٸنە جٸبەرٸلدٸ.
اتالعان مارشرۋتتىق كٶلٸك بٷگٸن تاڭەرتەڭ رەيس الدىنداعى تەحنيكالىق بايقاۋدان ٶتكەن. سوڭعى تەحنيكالىق تەكسەرۋ 27 مامىردا جٷرگٸزٸلگەن.
ايتا كەتەيٸك, بارلىق اۆتوبۋستار ەر 6 اي سايىن جالپى تەحنيكالىق تەكسەرۋدەن ٶتەدٸ.
