Biyl 1 shildeden elordada jeke balabaqshalarǵa qosymsha memlekettik bilim berý tapsyrysy ornalastyrylady. Bul týraly Nur-Sultan qalalyq bilim basqarmasynyń basshysy Sholpan Qadyrova málim etti, dep habarlaidy QazAqparat.
«1 shildeden bastap jergilikti biýdjetten jeke balabaqshalarǵa 2 856 oryndyq memlekettik bilim berý tapsyrysyn belgileý josparlanýda», - dedi Sh. Qadyrova onlain baspasóz máslihatynda.
Budan buryn habarlanǵandai, QR Bilim jáne ǵylym ministri Ashat Aimaǵambetov bilim berý uiymdaryna qabyldaýǵa qujat tapsyrý jeńildetilgenin aitty.
«Biyl biz balalardy balabaqshalarǵa qabyldaý erejelerine ózgerister engizdik. Endi ata-analar kezekke qoiý qyzmetin tek bilim berý bóliminiń keńsesi arqyly ǵana emes, sondai-aq óz betimen «Azamattarǵa arnalǵan úkimet» bólimderi nemese «Elektrondyq úkimet» veb-portaly arqyly júzege asyra alady. Bul rette kóptegen qujattardy jan-jaqtan jinaý qajet bolmaidy», - dedi ministr.
