بيىل 1 شٸلدەدەن ەلوردادا جەكە بالاباقشالارعا قوسىمشا مەملەكەتتٸك بٸلٸم بەرۋ تاپسىرىسى ورنالاستىرىلادى. بۇل تۋرالى نۇر-سۇلتان قالالىق بٸلٸم باسقارماسىنىڭ باسشىسى شولپان قادىروۆا مەلٸم ەتتٸ, دەپ حابارلايدى قازاقپارات.
«1 شٸلدەدەن باستاپ جەرگٸلٸكتٸ بيۋدجەتتەن جەكە بالاباقشالارعا 2 856 ورىندىق مەملەكەتتٸك بٸلٸم بەرۋ تاپسىرىسىن بەلگٸلەۋ جوسپارلانۋدا», - دەدٸ ش. قادىروۆا ونلاين باسپاسٶز مەسليحاتىندا.
بۇدان بۇرىن حابارلانعانداي, قر بٸلٸم جەنە عىلىم مينيسترٸ اسحات ايماعامبەتوۆ بٸلٸم بەرۋ ۇيىمدارىنا قابىلداۋعا قۇجات تاپسىرۋ جەڭٸلدەتٸلگەنٸن ايتتى.
«بيىل بٸز بالالاردى بالاباقشالارعا قابىلداۋ ەرەجەلەرٸنە ٶزگەرٸستەر ەنگٸزدٸك. ەندٸ اتا-انالار كەزەككە قويۋ قىزمەتٸن تەك بٸلٸم بەرۋ بٶلٸمٸنٸڭ كەڭسەسٸ ارقىلى عانا ەمەس, سونداي-اق ٶز بەتٸمەن «ازاماتتارعا ارنالعان ٷكٸمەت» بٶلٸمدەرٸ نەمەسە «ەلەكتروندىق ٷكٸمەت» ۆەب-پورتالى ارقىلى جٷزەگە اسىرا الادى. بۇل رەتتە كٶپتەگەن قۇجاتتاردى جان-جاقتان جيناۋ قاجەت بولمايدى», - دەدٸ مينيستر.
