Nur-Sultan qalasynyń ákimi Altai Kólginov elordadaǵy densaýlyq saqtaý uiymdaryna túsken salmaq edáýir azaiǵanyn málim etti, dep habarlaidy QazAqparat.
«Qazirgi kúni qalada koronavirýs infektsiiasyn juqtyrǵandar sany – 10 320 adam. Jalpy 7260 adam nemese 70%-i jazylyp shyqty. Al sońǵy bir apta ishinde olardyń sany 1563-ti qurady. Iaǵni naýqastardyń shamamen 25%-i ótken aptada saýyqty. 225 azamat qaitys boldy. 1511 adam statsionarlarda em alyp jatyr. Aýyr haldegi naýqastar sany 54,3%-ke azaidy», - dedi Altai Kólginov Úkimet otyrysynda.
Onyń aitýynsha Prezidenttiń tapsyrmasyna sáikes, Úkimettiń qoldaýymen birqatar shara qabyldanǵan. Osynyń nátijesinde karantin engizilgen sátten bastap KVI boiynsha jaǵdaidyń naqty turaqtanýy baiqalady.
Altai Kólginov densaýlyq saqtaý uiymdaryna túsken salmaq edáýir azaiǵanyn atap ótti. Atap aitqanda:
- jedel járdemge júginý sany táýligine 4300-den 1600-ge deiin, iaǵni 3 esege tómendedi;
- KVI boiynsha jedel járdemge júginý 500-den 89-ǵa deiin, iaǵni 6 esege azaidy;
- jalpy shaqyrýlar sany táýligine 3 myńnan 1000-ǵa deiin, nemese 3 esege tómendedi;
- pnevmoniiamen jatqan azamattar sany 2 esege azaidy (1348 den – 633 ǵa deiin);
- statsionarlardyń júktemesi 99%-ten 38%-ke deiin tómendedi;
- eger buryn táýligine aýrýhanaǵa 500-ge jýyq patsient túsetin bolsa, qazir 90-ǵa deiin azaidy.
