Jyl basynan beri Nur-Sultan qalasynda jaiaý júrginshilerdiń kinásinen 64 jol-kólik oqiǵasy oryn alǵan, dep habarlaidy "Ult aqparat" elorda politsiia departamentiniń baspasóz qyzmetine silteme jasap.
Jol-kólik oqiǵalarynyń taldaýyna sáikes, biylǵy jyldyń 9 aiynda elordada 285jol apaty tirkelgen. 9 adam qaitys bolǵan, 56 adam túrli dene jaraqatyn alǵan. Jaiaý júrginshilerdiń kinásinen 64 jol apaty bolǵan.
Ákimshilik politsiia qyzmetkerleriniń aitýynsha, jol-kólik oqiǵasyna kóbinese jaiaý júrginshilerdiń júgensizdigi, jol erejesin bilmeýi sebep bolǵan. Negizinen jaiaý júrginshiler belgilenbegen jerden jáne baǵdarshamnyń qyzyl shamy janǵanda joldan ótken.
Jol qozǵalysy erejesin buzǵany úshin QR ÁQBK 615-baby boiynsha ákimshilik is qozǵalǵan. Óz kinásin moiyndap, jol erejesin buzǵan jaiaý júrginshilerge qatysty 10 AEK kóleminde aiyppul salynǵan.
Nur-Sultan qalasynyń politsiia departamenti elorda turǵyndary men qonaqtarynan jol qozǵalysy erejelerin jáne barlyq qaýipsizdik sharalaryn saqtaýdy suraidy.
