Elordada jaiaý júrginshi jolynda úlken oiyq paida bolǵany túsirilgen video áleýmettik jelide tarady. Osyǵan orai «Astana sý arnasy» MKK baspasóz qyzmeti mán-jaidy túsindirdi, dep habarlaidy "Ult aqparat".
Kommýnaldyq kásiporyn málimetinshe, keshe saǵat 17:08-de Táýelsizdik pen Qajymuqan Muńaitpasov kósheleriniń qiylysynda, joldyń jaiaý júrginshi bóliginde ornalasqan diametri 800 mm-lik káriz kollektorynda shuńqyr paida bolǵan.
«Shuńqyr kólik qozǵalysyna kedergi keltirmeidi jáne taiaý mańdaǵy úilerdi sýmen jabdyqtaý júiesinen ajyratý josparlanyp otyrǵan joq. Qazirgi ýaqytta «Astana sý arnasy» kásiporynynyń apattyq brigadasy kollektordy jáne joldyń jaiaý júrginshi bóliginiń jabyndysyn qalpyna keltirý jumystaryn júrgizip jatyr. Oryn alǵan ýaqytsha qolaisyzdyqtar úshin keshirim suraimyz», - dedi «Astana sý arnasynan».
