Elordadaǵy 18 sharshy metr jataqhananyń bir bólmesinde shamamen 700-ge jýyq adam turaqty mekenjaiǵa tirkelgen, dep habarlaidy "Ult aqparat" Nur-Sultan qalasy politsiia departamentine silteme jasap.
Úi iesi jataqhanada turmaǵan adamdardy únemi tirkep otyrǵan. Tirkelgen adamdardyń jataqhanada turatynyn anyqtaý úshin politseiler atalǵan bólmeni talai ret teksergen. Alaida turǵyndardy anyqtaý múmkin bolǵanmaǵan. Kórshilerdiń aitýynsha, bólme bos, onda eshkim turmaidy. Qazirgi kezde tártip saqshylary bólme iesin izdestirip jatyr, oǵan qatysty ákimshilik jaza qoldanylady.
«Elektrondyq úkimet» veb-portaly arqyly tirkeý páter menshik ielerine azamattardy kóptep tirkeýge múmkindik beredi.
Elordalyq politsiia departamenti kóshi-qon zańnamasyn buzýdyń aldyn alý maqsatynda azamattardy turǵylyqty mekenjaiy men naqty turatyn orynda ýaqytyly tirkelýin suraidy. Mekenjai málimetteriniń qate bolǵanda olardy durystaý úshin HQKO-daǵy kóshi-qon qyzmetiniń aýmaqtyq bólimshelerine júginý qajet. Sondai-aq, politsiia departamenti úi ielerinen mekenjaida turmaityn tulǵalardy tirkeýden ýaqytyly shyǵarýdy suraidy.
Kóshi-qon zańnamasyn buzýshylarǵa qatysty Qazaqstan Respýblikasy zańnamasymen qarastyrylǵan sharalar qoldanylady.
Politsiia departamenti Nur-Sultan qalasynyń turǵyndary men qonaqtaryn erekshe muqiiat bolyp, jarnama jáne jalǵan mekenjailarda tirkelmeýin suraidy, sebebi turǵylyqty emes mekenjaida tirkelý nemese turǵylyqty mekenjaida tirkeýdiń bolmaýy Qazaqstan Respýblikasynyń zańnamasymen jaýapkershilikke tartýdy qarastyrady.
