Elordada jumys isteitin jastarǵa arnalǵan jaldamaly turǵyn úi baǵdarlamasyna qatysýǵa 6304 ótinim berildi, dep habarlaidy "Ult aqparat".
«Nur-Sultan qalasynda jumys istep júrgen jastar úshin satyp alý quqyǵynsyz jalǵa beriletin turǵyn úige qujattar qabyldaý aiaqtaldy. 2019 jyldyń 12 qarashasy kúni saǵat 22:00-de jumys isteitin jastar úshin jalǵa beriletin turǵyn úi baǵdarlamasy boiynsha onlain ótinimder qabyldaý aiaqtaldy. Smart Astana portaly arqyly 6304 ótinim qabyldandy. Ótinimderdi qabyldaý barysynda júiege virtýaldy kómekshi qosyldy, ol interfeiste barlyq qajetti máseleler boiynsha ótinish bildirgenderge birden keńes beredi. Qujattardy toltyrý protsesinen bólek 4,5 myńnan astam onlain-keńes kórsetildi»,- delingent taratylǵan málimette.
Smart Astana portaly elektrondyq úkimetpen integratsiialanǵanyn jáne jyljymaityn múliktiń bolýy/bolmaýy (2-forma), tirkeý merzimi, jasy, otbasy jaǵdaiy, balalardyń bolýy, otbasyna tirkeý sekildi málimetterdi avtomatty túrde tekseredi. Kriteriilerge sáikes kelmeitin 1180 ótinimge júie arqyly bas tartyldy.
«Turǵyn úi komissiiasynyń otyrysy 2019 jylǵy 6 jeltoqsanda ótedi. Arnaiy baldardyń nátijesi boiynsha 1050 páter beriledi», - dep atalyp ótken habarlamada.
Budan buryn habarlanǵandai, 5 qarashadan bastap elordada jumys isteitin jastardan satyp alý quqyǵynsyz jaldamaly páter boiynsha ótinish qabyldandy.
Kieinnen elordada jumys isteitin jastardan páterge ótinish qabyldaý merzimi bir kúnge uzartyldy.
