Jańajyldyq saltanatty jiyndardy ótkizýge tyiym salyndy. Bul týraly elordanyń bas sanitarlyq dárigeri Janna Pirálieva brifingte aitty, dep habarlaidy "Ult aqparat".
Onyń aitýynsha, meiramhanalarda, dámhanalarda, barlarda, ashanalarda úlken kezekter týyndaýyna jol bermeýdi eskerip, jumys jáne demalys kúnderi qyzmet kestesi saǵat 7:00-den saǵat 00:00-ge deiin belgilenip otyr. Bul rette ǵimarat ishinde 30 orynnan artyq bolmaýy, sanitarlyq-epidemiologiialyq, sanitarlyq-profilaktikalyq sharalardyń saqtalýy, ústelder arasynda keminde 2 metráleýmettik araqashyqtyq saqtalýy, ár ústelge 4-6 adamnan artyq otyrǵyzylmaýy kerek.
Bul qaýly turǵyn úilerde ornalasqan nysandarǵa qatysty emes. Olardyń jumys ýaqyty - saǵat 22:00-ge deiin.
«Tamaqty úilerge jetkizip berý tártibi shatattyq rejimde jalǵasady», - dep naqtylady Janna Pirálieva.
Oiyn-saýyq, sporttyq jáne basqa da buqaralyq is-sharalardy, onyń ishinde saltanatty jiyndardy, banketterdi, úilený toilaryn, mereitoilardy ótkizýge tyiym salyndy. Karantin jáne shekteý sharalary buzylǵan jaǵdaida nysandar qyzmeti toqtatylady.
