Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Aimaq

Elordada jańa úlgidegi baǵdarsham ornatyla bastady

Ult portaly
Elordada jańa úlgidegi baǵdarsham ornatyla bastady


Elordada alǵash ret jol qozǵalysyn retteitin innovatsiialyq quraldardy testileý bastaldy, dep habarlaidy "Ult aqparat" qala ákimdigine silteme jasap.

Qalalyq kólik jáne jol-kólik infraqurylymyn damytý basqarmasynyń málimetine sáikes, kóshe qiylystarynda jaryǵy bar jaiaý júrginshiler baǵdarshamy qoldanylady.

SWARCO óndirýshisiniń jańa baǵdarshamynyń qyzyl jaryǵy trotýarǵa da túsedi tiisinshe jaiaý júrginshilerdiń smartfonynyń displeiine de shaǵylysady.

Jaiaý júrginshiler baǵdarshamy jerdegi jaryqtandyrý fýnktsiiasyn oryndap qana qoimaidy, sonymen qatar eki kózi telefonda júretinderdiń nazaryn aýdarady. 

Jaiaý júrginshiler baǵdarshamynyń jańa modelinde mynadai artyqshylyǵy bar: Ymyrt úiirilgende jáne túnde trotýarǵa qyzyl jaryq túsýine bailanysty baǵdarshamnyń qyzyl belgisi jaqsy kórinedi, smartfonnyń displeiine baǵdarshamnyń qyzyl signaly túsýi arqyly jaiaý júrginshilerdi eskertedi jáne trotýardyń shetinde qyzyl túspen belgilengen oryndardyń arqasynda jaiaý júrginshilerdi kólik júrgizýshileri jyldam baiqaidy.

Baǵdarshamnyń synaq nusqasy 9 baǵdarsham obektisinde qoldanyldy.

1) Jeńis dańǵyly boiynda;
2) Abai dańǵyly – Murajai;
3) Pýshkin kóshesi – EUÝ;
4) Q.Muńaitpasov kóshesi 16;
5) Qorǵaljyn tas joly – Dýman;
6) Máskeý kóshesi – 14 mektep;
7) Turan dańǵyly – Ortalyq saiabaq;
8) J.Táshenov kóshesi – Alataý sport kesheni;
9) Jirentaev kóshesi – 22 mektep.

Budan bólek dybystyq jol kórsetý júiesi bar baǵdarshamdar ornatyldy. Bul jaiaý júrginshiler, ásirese kózi nashar kóretin jurt úshin tiimdi. Osylaisha, jaiaý júrginshiler ótkeli burynǵysynan qaýipsiz bolady.

Mundai baǵdarshamdar qalanyń 7 jernde ornatylǵan:
1) Qabanbai batyr dańǵyly – №17 mektep;
2) S.Seifýllin men Sh.Ýálihanov kósheleriniń qiylysy;
3) Qabanbai batyr dańǵyly – AIU;
4) Respýblika dańǵyly – Jastar saraiy;
5) Bógenbai batyr dańǵyly – Sh.Ýálihanov kóshesi;
6) Qabanbai batyr dańǵyly – Saltanat saraiy;
7) Alash tasjoly – Jolymbet kóshesi.

Oqi otyryńyz