Elorda «Nur-Sultan – jaily qala» jospary aiasynda damýda. Serýendep, sportpen shuǵyldaný úshin oryndar uiymdastyrý – basym baǵyttardyń biri, dep habarlaidy Nur-Sultan qalasy ákimdiginiń resmi saity.
«Biz ár aýdanda, ár eldi-mekende arnaiy oryndardyń bolǵanyn qalaimyz. «Kóktal» eldi-mekeninde úlken saiabaqtyń qurylysy júrgizilip jatyr. Ol úsh aimaqtan turady. Birinshisi – tynysh demalys aimaǵy. Ol jerde amfiteatr bolady, 4 myń 300-den astam aǵash otyrǵyzamyz. Ekinshi aimaq – sporttyq demalysqa arnalady. Ol jerde fýtbol alańyn, voleibol jáne basketbol alańyn, tennis kortyn ornatamyz. Sondai-aq, skeitbordtyq alań jáne ioga orny bolady», – dep jazdy qala ákimi Altai Kólginov óziniń jelidegi paraqshasynda.
Úshinshi aimaq - balalardyń demalysyna arnalǵan oryn. Barlyq aimaqtardy qysta da qoldanýǵa bolady. Turǵyndar konkimen, shańǵymen jáne t. b. shuǵyldana alady. «Jalpy biyl 50 qoǵamdyq keńistikti (saiabaqtar, skverler, býlvarlar) jáne 150-ge jýyq aýlany abattandyramyz. Sonymen qatar, eldi-mekenderde úsh iri dene shynyqtyrý-saýyqtyrý kesheniniń qurylysy bastaldy, taǵy bireýi kelesi jyly bastalady», – dep atap ótti Altai Kólginov.
