Elordada jańa oqý jylynda 202 myń oqýshy qashyqtan sabaq oqidy. Bul týraly Nur-Sultan qalasy Bilim basqarmasynyń basshysy Sholpan Qadyrova jańa oqý jylyna daiyndyq barysy týraly ótken baspasóz máslihatynda málim etti, dep habarlaidy "Ult aqparat".
«2020-2021 oqý jylynda elorda boiynsha 202 myń mektep oqýshysy bolady dep kútilýde. (Ótken jyly - 182 279). Birinshi synypqa 27 myńnan astam oqýshyny qabyldaý josparlanyp otyr. Búginge deiin 12 453 ótinish berildi. Qujattardy qabyldaý elektrondyq úkimet Egov.kz portaly arqyly jáne qaǵaz túrinde mektepterde júrgizilip jatyr», - dedi Sholpan Qadyrova qala ákimdiginiń Facebook-tegi paraqshasynda ótken baspasóz máslihatynda.
Basqarma basshysynyń aitýynsha kolledjderde aldaǵy oqý jylynda 8 myń stýdent, sondai-aq 13 mamandyq boiynsha erekshe bilim alý qajettiligi bar 139 bilim alýshy qabyldanady.
