Elorda politseileri kóshede tyr jalańash velosiped mingen er adamdy ustady.
Saǵat 07:14-te "102" nómirine Esil ózeniniń jaǵalaýynda er adam tyr jalańash kúide velosiped teýip júrgeni týraly habar tústi, dep habarlaidy Polisia.kz.
Patrýldik politseiler ony ustady. Aiaq kiim ǵana kigen er adam mas bolǵan.
"42 jastaǵy tártip buzýshynyń aitýynsha, ol túnde qurbysymen birge sý jaǵasynda ishimdik ishken. Keiin er adam salqyndaimyn dep ózenge túsken. Al sýdan shyqqanda kiimi bolmaǵan. Tanysy onyń zattaryn alyp, belgisiz baǵytta ketip qalǵan. Sóitip ózi kezdesýge kelgen kóliktiń artynan velosiped alyp, Baraev kóshesine úiine bar jatqan. Ustalǵan er adam mas kúide bolǵandyqtan kólikke otyrmaǵanyn aitty", - dedi elordalyq politsiia departamentindegiler.
