Nur-Sultan qalasynda sahna óneri arqyly koronavirýs indetimen kúreste halyqqa karantindik, saqtyq sharalar men vaktsinanyń mańyzdylyǵyn jetkizgen ashyq aspan asty qoiylymy ótti, dep habarlaidy elorda ákimdiginiń resmi saity.
«Astana miýzikl» teatrynyń ártisteri usynǵan kórsetilimde «COVID-19» indetiniń aldyn alý jáne onymen kúreste tiisti talaptardyń saqtalý kerektigi nasihattaldy. Dalada ótken horeografiialyq qoiylymdy elorda jurtshylyǵy tegin tamashalai aldy. Jáne oǵan 10-nan astam adam qatysty.
Is-sharanyń maqsaty – sahna óneri arqyly karantindik, saqtyq sharalar men vaktsinanyń mańyzdylyǵyna halyqtyń nazaryn aýdarý. Týyndy tolyǵymen ómirimizdiń qazirgi bolmysyn kórsetetin shynaiy oqiǵalarǵa negizdelgen. Basty nazarda – 2020 jyldyń eń tanymal sózine ainalǵan «COVID-19» qubylysy. Teatr ártisteri bul qoiylym arqyly ómirdiń basty qundylyqtaryn, karantin kezindegi adamdardyń ishki oi-tolǵanysyn, pandemiiada adamzattyń basyna túsken qiyndyqtardy jetkizdi.
«Álem bolyp kúresip jatqan koronavirýs dertiniń adamzat ómirine alyp kelgen ózgerisi barshamyzǵa aitpai-aq túsinikti. Virýstyń taraý saldarynan qanshama adam ómirden ozdy. Aýrýdan qorǵaný maqsatynda buryn bolmaǵan karatindik shekteýler engizildi, sondai-aq, vaktsina alýda mańyzdy bolyp otyr. «COVID-19» qoiylymyn ótken jyldyń tamyz aiynda qolǵa alyp, biyl aqpan aiynda teatrymyzda alǵash ret kópshilikke usyndyq. Qoiylymnyń mán-mazmuny men tarihy tikelei ómirden alynǵan jáne bul bizdiń ujymnyń debiýttyq shyǵarylymy. Búgingi qatysýshylar ártister ǵana emes, sonymen qatar osy qoiylymnyń avtorlary bolyp sanalady.Taǵy bir aityp ótetin jait búgin biz qoiylymnyń úzindisin (15-20 minýt) ǵana usynyp otyrmyz, al tolyqtai kórermen teatrymyzdan kelip kóre alady» - dedi «Astana miýzikl» teatrynyń kórkemdik jetekshisi Eslám Nurtazin.
Esterińizge sala keteiik, elimizde alǵash bolyp pandemiia taqyrybyn kótergen qoiylymnyń rejisser-horeografy – «Astana Musical» teatrynyń ártisi Ánel Myrzaǵulova, al qoilym mýzykasyn teatr ártisi Aqjol Ómirzaqov jazǵan. Teatrdyń kórkemdik jetekshisi Eslám Nurtazin.
Aita ketý kerek, is-shara qalalyq ákimdiktiń qoldaýymen barlyq sanitarlyq normalardy saqtai otyryp ótti. Qoilymǵa qatysqan barlyq ánshiler PTR-testten ótken.
Áleýmettik mańyzǵa ie shyǵarmashylyq qoiylymnyń tolyq nusqasyn astanalyqtar 21-22 mamyr kúnderi «Qazagstan» ortalyq kontsert zalynda tashalalai alady.
