نۇر-سۇلتان قالاسىندا ساحنا ٶنەرٸ ارقىلى كوروناۆيرۋس ٸندەتٸمەن كٷرەستە حالىققا كارانتيندٸك, ساقتىق شارالار مەن ۆاكتسينانىڭ ماڭىزدىلىعىن جەتكٸزگەن اشىق اسپان استى قويىلىمى ٶتتٸ, دەپ حابارلايدى ەلوردا ەكٸمدٸگٸنٸڭ رەسمي سايتى.
«استانا ميۋزيكل» تەاترىنىڭ ەرتٸستەرٸ ۇسىنعان كٶرسەتٸلٸمدە «COVID-19» ٸندەتٸنٸڭ الدىن الۋ جەنە ونىمەن كٷرەستە تيٸستٸ تالاپتاردىڭ ساقتالۋ كەرەكتٸگٸ ناسيحاتتالدى. دالادا ٶتكەن حورەوگرافييالىق قويىلىمدى ەلوردا جۇرتشىلىعى تەگٸن تاماشالاي الدى. جەنە وعان 10-نان استام ادام قاتىستى.
ٸس-شارانىڭ ماقساتى – ساحنا ٶنەرٸ ارقىلى كارانتيندٸك, ساقتىق شارالار مەن ۆاكتسينانىڭ ماڭىزدىلىعىنا حالىقتىڭ نازارىن اۋدارۋ. تۋىندى تولىعىمەن ٶمٸرٸمٸزدٸڭ قازٸرگٸ بولمىسىن كٶرسەتەتٸن شىنايى وقيعالارعا نەگٸزدەلگەن. باستى نازاردا – 2020 جىلدىڭ ەڭ تانىمال سٶزٸنە اينالعان «COVID-19» قۇبىلىسى. تەاتر ەرتٸستەرٸ بۇل قويىلىم ارقىلى ٶمٸردٸڭ باستى قۇندىلىقتارىن, كارانتين كەزٸندەگٸ ادامداردىڭ ٸشكٸ وي-تولعانىسىن, پاندەمييادا ادامزاتتىڭ باسىنا تٷسكەن قيىندىقتاردى جەتكٸزدٸ.
«ەلەم بولىپ كٷرەسٸپ جاتقان كوروناۆيرۋس دەرتٸنٸڭ ادامزات ٶمٸرٸنە الىپ كەلگەن ٶزگەرٸسٸ بارشامىزعا ايتپاي-اق تٷسٸنٸكتٸ. ۆيرۋستىڭ تاراۋ سالدارىنان قانشاما ادام ٶمٸردەن وزدى. اۋرۋدان قورعانۋ ماقساتىندا بۇرىن بولماعان كاراتيندٸك شەكتەۋلەر ەنگٸزٸلدٸ, سونداي-اق, ۆاكتسينا الۋدا ماڭىزدى بولىپ وتىر. «COVID-19» قويىلىمىن ٶتكەن جىلدىڭ تامىز ايىندا قولعا الىپ, بيىل اقپان ايىندا تەاترىمىزدا العاش رەت كٶپشٸلٸككە ۇسىندىق. قويىلىمنىڭ مەن-مازمۇنى مەن تاريحى تٸكەلەي ٶمٸردەن الىنعان جەنە بۇل بٸزدٸڭ ۇجىمنىڭ دەبيۋتتىق شىعارىلىمى. بٷگٸنگٸ قاتىسۋشىلار ەرتٸستەر عانا ەمەس, سونىمەن قاتار وسى قويىلىمنىڭ اۆتورلارى بولىپ سانالادى.تاعى بٸر ايتىپ ٶتەتٸن جايت بٷگٸن بٸز قويىلىمنىڭ ٷزٸندٸسٸن (15-20 مينۋت) عانا ۇسىنىپ وتىرمىز, ال تولىقتاي كٶرەرمەن تەاترىمىزدان كەلٸپ كٶرە الادى» - دەدٸ «استانا ميۋزيكل» تەاترىنىڭ كٶركەمدٸك جەتەكشٸسٸ ەسلەم نۇرتازين.
ەستەرٸڭٸزگە سالا كەتەيٸك, ەلٸمٸزدە العاش بولىپ پاندەمييا تاقىرىبىن كٶتەرگەن قويىلىمنىڭ رەجيسسەر-حورەوگرافى – «Astana Musical» تەاترىنىڭ ەرتٸسٸ ەنەل مىرزاعۇلوۆا, ال قويلىم مۋزىكاسىن تەاتر ەرتٸسٸ اقجول ٶمٸرزاقوۆ جازعان. تەاتردىڭ كٶركەمدٸك جەتەكشٸسٸ ەسلەم نۇرتازين.
ايتا كەتۋ كەرەك, ٸس-شارا قالالىق ەكٸمدٸكتٸڭ قولداۋىمەن بارلىق سانيتارلىق نورمالاردى ساقتاي وتىرىپ ٶتتٸ. قويلىمعا قاتىسقان بارلىق ەنشٸلەر پتر-تەستتەن ٶتكەن.
ەلەۋمەتتٸك ماڭىزعا يە شىعارماشىلىق قويىلىمنىڭ تولىق نۇسقاسىن استانالىقتار 21-22 مامىر كٷندەرٸ «Qazagstan» ورتالىق كونتسەرت زالىندا تاشالالاي الادى.
