Elordadaǵy vaktsinatsiialaý pýnkteri ashylǵan SOO-lardyń saǵat 22:00-ge deiin jumys isteýine ruqsat berildi, dep habarlaidy "Ult aqparat" qala ákimdigine silteme jasap.
Elordadaǵy vaktsinatsiialaityn 100 kabinette jumys istep tur. Onyń ishinde egý pýnktteri «Mega Silk Way» jáne «Han Shatyr» SOO-larynda ashyldy. Endi ózge saýda-oiyn-saýyq ortalyqtary men oryndarda ashylý qaralyp otyr.
Qazirgi ýaqytta adam kóp jinalatyn oryndarda qosymsha egý kabinetterin ashý úshin daiyndyq júrgizilip jatyr. SOO-da sanitariialyq-epidemiologiialyq talaptardyń bári meditsinalyq uiymdaryndai saqtalady.
Halyqtyń kóp aǵynyn eskere otyryp, árbir komponent úshin qosymsha jeke oryndar kózdeledi.
Búgingi kúni joǵaryda atalǵan saýda-oiyn-saýyq ortalyqtarynan basqa «Mechta» saýda jelisinen, «Soltústik» SÚ, «Nurbereke 555» JShS jappai vaktsinatsiia júrgizý úshin egý pýnktterin ashý talaptaryn túsindirý jóninde ótinish joldady.
Halyqty vaktsinatsiialaýmen barynsha qamtýǵa qol jetkizý maqsatynda QR Bas memlekettik sanitarlyq dárigeriniń 12 sáýirdegi qaýlysynyń talaptaryna sáikes egý pýnktteriniń jumysy úshin tiisti jaǵdai jasalǵan obektilerdiń saǵat 22.00-ge deiin jumys isteýine ruqsat berildi.
