Nur-Sultan qalasynyń Saryarqa aýdandyq politsiia basqarmasyna qala turǵyny kelip, balasynyń joǵalyp ketkeni týraly ótinish jazdy. Bul týraly Nur-Sultan qalasy politsiia departamentiniń baspasóz qyzmeti habarlady.
Politseiler balanyń ájesimen renjisip qalǵannan keiin kúndizgi ýaqytta úiinen ketip, qaita oralmaǵanyn anyqtady.
Kámelet jasyna tolmaǵan balany izdeý jumystary bastalyp ketti.
Iývenaldyq politsiia inspektorlary qala aýlalary, kósheler men qudyqtardy tekserdi. Balanyń barýy múmkin oryndary tekserilip, kórshiler men jolaýshylar surastyryldy.
Izdeý sharalary barysynda túngi ýaqytta politseiler balany kósheden tapty.
Tártip saqshylary kámelet jasyna tolmaǵandardyń osy ýaqytqa deiin qalada qydyryp júrgenin anyqtady.
Politseiler balany turǵylyqty jerine jetkizip, ata-anasyna tapsyrdy. Balanyń ájesi qyzmetkerlerge nemeresin jedel izdeýde kórsetken kómegi úshin alǵysyn jetkizdi.
«Politsiiada balalardyń úiden qashyp ketý oqiǵalary jii tirkelip otyrady. Biz qaiǵyly oqiǵalar oryn alǵanda ýaiymdap, balalar úige aman-esen oralǵanda qýanamyz. Ata-analardan muqiiat bolýyn suraimyz. Eger balańyz úiden ketip qalsa, birden politsiiaǵa habarlańyz», - deidi Saryarqa aýdandyq politsiia basqarmasynyń bastyǵy Qýanysh Orynbetov.
