نۇر-سۇلتان قالاسىنىڭ سارىارقا اۋداندىق پوليتسييا باسقارماسىنا قالا تۇرعىنى كەلٸپ, بالاسىنىڭ جوعالىپ كەتكەنٸ تۋرالى ٶتٸنٸش جازدى. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸ حابارلادى.
پوليتسەيلەر بالانىڭ ەجەسٸمەن رەنجٸسٸپ قالعاننان كەيٸن كٷندٸزگٸ ۋاقىتتا ٷيٸنەن كەتٸپ, قايتا ورالماعانىن انىقتادى.
كەمەلەت جاسىنا تولماعان بالانى ٸزدەۋ جۇمىستارى باستالىپ كەتتٸ.
يۋۆەنالدىق پوليتسييا ينسپەكتورلارى قالا اۋلالارى, كٶشەلەر مەن قۇدىقتاردى تەكسەردٸ. بالانىڭ بارۋى مٷمكٸن ورىندارى تەكسەرٸلٸپ, كٶرشٸلەر مەن جولاۋشىلار سۇراستىرىلدى.
ٸزدەۋ شارالارى بارىسىندا تٷنگٸ ۋاقىتتا پوليتسەيلەر بالانى كٶشەدەن تاپتى.
تەرتٸپ ساقشىلارى كەمەلەت جاسىنا تولماعانداردىڭ وسى ۋاقىتقا دەيٸن قالادا قىدىرىپ جٷرگەنٸن انىقتادى.
پوليتسەيلەر بالانى تۇرعىلىقتى جەرٸنە جەتكٸزٸپ, اتا-اناسىنا تاپسىردى. بالانىڭ ەجەسٸ قىزمەتكەرلەرگە نەمەرەسٸن جەدەل ٸزدەۋدە كٶرسەتكەن كٶمەگٸ ٷشٸن العىسىن جەتكٸزدٸ.
«پوليتسييادا بالالاردىڭ ٷيدەن قاشىپ كەتۋ وقيعالارى جيٸ تٸركەلٸپ وتىرادى. بٸز قايعىلى وقيعالار ورىن العاندا ۋايىمداپ, بالالار ٷيگە امان-ەسەن ورالعاندا قۋانامىز. اتا-انالاردان مۇقييات بولۋىن سۇرايمىز. ەگەر بالاڭىز ٷيدەن كەتٸپ قالسا, بٸردەن پوليتسيياعا حابارلاڭىز», - دەيدٸ سارىارقا اۋداندىق پوليتسييا باسقارماسىنىڭ باستىعى قۋانىش ورىنبەتوۆ.
