Elordada «Romantik» gúlder ortalyǵyn ashý úshin utys oiynyn uiymdastyrýshylarǵa 20 AEK mólsherinde aiyppul salyndy. Bul týraly Nur-Sultan qalalyq politsiia departamenti málim etti, dep habarlaidy «Ult aqparat».
«Osy jyldyń 7 aqpanynda saǵat 13:18-de beinebaqylaý inspektorlary «Romantik» dúkeniniń janynda kólik pen adamdardyń kóptep jinalǵanyn baiqady. Tekserý barysynda JShS quryltaishylary Máńgilik el dańǵylynda «Romantik» gúlder ortalyǵyn ashý úshin júldeler, sonyń ishinde «Folksvagen polo» markaly avtomobildiń utys oiynyn uiymdastyryp, niet bildirýshilerdi qatysýǵa shaqyrǵany anyqtaldy» dep atap ótti departamentten.
Vedomstvonyń málimetinshe, atalǵan jerge kelgen politsiia qyzmetkerleriniń talabymen is-shara toqtatylyp, jaǵdai turaqtandyrylǵan. Is-sharany uiymdastyrǵan tulǵalar odan ári tekserý úshin Esil aýdanynyń politsiia bólimine jetkizildi.
«Is-sharany uiymdastyrýshylar QR ÁQBtK 434-1 b.1 b. (jeke tulǵalardyń sporttyq jáne sporttyq-buqaralyq, oiyn-saýyq mádeni-buqaralyq is-sharalarda júris-turys qaǵidalaryn buzýy) boiynsha 20 AEK aiyppul kóleminde ákimshilik jaýapkershilikke, sonymen qatar JShS QR ÁQBtK 505-baby 1-bóligi (abattandyrý erejelerin buzý) boiynsha ákimshilik jaýapkershilikke tartyldy. Karantin rejimin buzý boiynsha jinalǵan material QR ÁQBtK 425-baby 1-bóligimen jaýapkershilikke tartý úshin sanitariialyq-epidemiologiialyq baqylaý basqarmasyna jiberildi» dedi politsiiadan.
Eske sala keteiik, Esil aýdandyq ákimdigi men politsiia mamandarynan quralǵan monitoring toby 2 myńnan astam adamnyń qatysýymen ótken is-sharada Nur-Sultan qalasynyń bas sanitar dárigeriniń qaýlysyn buzý faktisin anyqtady. Dúken ashylý qurmetine utys oiynyn ótkizgen.
