32 jastaǵy astana turǵyny túnde úige qaityp kele jatqanda buzaqylar uryp-soqqan, dep habarlaidy "Ult aqparat" Nur-Sultan qalalyq Politsiia departamentiniń baspasóz qyzmetine silteme jasap.
Er adamnyń aitýynsha, úsh jasóspirim onyń sońynan júrip, ony qasaqana tóbeleske shaqyrǵan, sodan keiin uryp-soǵyp, jasyrynyp qalǵan.
Jedel-izdeý sharasy barysynda buzaqylar ustaldy. Beitanys adamǵa shabýyl jasaǵan kámeletke tolmaǵan úsh jigit politsiiaǵa jetkizildi. Sondai-aq, politsiiaǵa kámelet jasyna tolmaǵan balalardyń zańdy ókilderi shaqyryldy.
Osy fakt boiynsha QR QK 293-baby («Buzaqylyq») boiynsha sotqa deiingi tergeý júrip jatyr.
Sondai-aq, balalardyń zańdy ókilderi de QR ÁQBtK 442-baby 2-tarmaǵy (Kámeletke tolmaǵandardyń zańdy ókilderiniń erip júrýinsiz túngi ýaqytta oiyn-saýyq mekemelerinde nemese turǵynjaidan tys jerde bolýy) boiynsha ákimshilik jaýapqa tartyldy.
Úsh jigitti iývenaldy politsiia inspektorlary baqylaýǵa aldy.
