32 جاستاعى استانا تۇرعىنى تٷندە ٷيگە قايتىپ كەلە جاتقاندا بۇزاقىلار ۇرىپ-سوققان, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ەر ادامنىڭ ايتۋىنشا, ٷش جاسٶسپٸرٸم ونىڭ سوڭىنان جٷرٸپ, ونى قاساقانا تٶبەلەسكە شاقىرعان, سودان كەيٸن ۇرىپ-سوعىپ, جاسىرىنىپ قالعان.
جەدەل-ٸزدەۋ شاراسى بارىسىندا بۇزاقىلار ۇستالدى. بەيتانىس ادامعا شابۋىل جاساعان كەمەلەتكە تولماعان ٷش جٸگٸت پوليتسيياعا جەتكٸزٸلدٸ. سونداي-اق, پوليتسيياعا كەمەلەت جاسىنا تولماعان بالالاردىڭ زاڭدى ٶكٸلدەرٸ شاقىرىلدى.
وسى فاكت بويىنشا قر قك 293-بابى («بۇزاقىلىق») بويىنشا سوتقا دەيٸنگٸ تەرگەۋ جٷرٸپ جاتىر.
سونداي-اق, بالالاردىڭ زاڭدى ٶكٸلدەرٸ دە قر ەقبتك 442-بابى 2-تارماعى (كەمەلەتكە تولماعانداردىڭ زاڭدى ٶكٸلدەرٸنٸڭ ەرٸپ جٷرۋٸنسٸز تٷنگٸ ۋاقىتتا ويىن-ساۋىق مەكەمەلەرٸندە نەمەسە تۇرعىنجايدان تىس جەردە بولۋى) بويىنشا ەكٸمشٸلٸك جاۋاپقا تارتىلدى.
ٷش جٸگٸتتٸ يۋۆەنالدى پوليتسييا ينسپەكتورلارى باقىلاۋعا الدى.
