Nur-Sultan qalasynda jyl sońyna deiin «Tsifrlyq úkimet» keńsesi ashylady. Bul týraly «QazExpoCongress» ulttyq kompaniiasy AQ basqarma tóraǵasy Allen Sháijúnisov málim etti, dep habarlaidy QazAqparat.
«Astana EXPO-2017 halyqaralyq kórmesinen keiin keshenniń taǵdyry ne bolady degen suraq týyndady. Sol úshin arnaiy taldaý júrgizildi. Maqsat – «Astana EKSPO -2017» kórme keshenin odan ári tiimdi qoldaný. Taldaýdyń nátijesinde keshenniń bolashaqtaǵy qyzmeti boiynsha 2018 jyldyń sáýir aiynda tujyrymdama ázirlenip, ony Memleket basshysy bekitti. Iaǵni 2020 jyldyń aqpan aiynan bastap «Astana EKSPO-2017» kesheni « QazExpoCongress « dep atalady», - dedi Allen Sháijúnisov BAQ ókilderine arnalǵan baspasóz týry barysynda.
Elordadaǵy EXPO iskerlik ortalyǵynda barlyǵy 15 nysan bar.
Olardyń qatarynda «Nur-Álem» bolashaq energiiasy murajaiy, Astana IT ýniversiteti, halyqaralyq jasyl tehnologiialar jáne investitsiialyq jobalar ortalyǵy, «Astana» halyqaralyq qarjy ortalyǵy, Astana Hub IT startaptar tehnoparki jáne basqa da kompaniialar bar.
«Odan bólek, qazirgi ýaqytta ortalyq aýmaǵynda «Tsifrlyq úkimettiń» keńsesi jasalyp jatyr. Jańa keńseni jyl sońyna deiin iske qosý josparlanǵan. Osylaisha búgingi kúni EXPO ortalyǵy 98 paiyz jumys istep tur. Iaǵni bizdiń bazada iskerlik belsendilikti yntalandyrý jáne jetekshi damý institýttardy tartý úshin tolyqqandy biznes orta qalyptasty. Sonymen qatar keshen aýmaǵy kez kelgen deńgeidegi is-sharalardy ótkizý úshin qajetti jabdyqtarmen qamtamasyz etilgen. Atap aitqanda, zamanaýi infraqurylym men ekojúie», - deidi ol.
