Nur-Sultan qalalyq taýarlar men qyzmetterdiń sapasyn jáne qaýipsizdigin baqylaý departamentiniń basshysy Sádýaqas Baiǵabylov elorda stýdentteriniń tamaqtan ýlanýyna qatysty pikir bildirdi, dep habarlaidy QazAqparat.
«S.Seifýllin atyndaǵy Qazaq agrotehnikalyq ýniversitetiniń stýdentteri ekinshi jyl qatarynan tamaqtan ýlaný saldarynan juqpaly aýrýlar aýrýhanasynyń tústi. Atap óterligi, atalǵan ýniversitette qoǵamdyq tamaqtaný salasyndaǵy qyzmetti shaǵyn jáne orta biznes sýbektisi kórsetedi. Qazirgi ýaqytta stýdentterdiń tamaqtan ýlaný fakisi boiynsha ShOB sýbektisiniń qoǵamdyq tamaqtaný nysandarynda epidemiologiialyq tekserý júrip jatyr», - dedi ol.
Onyń atap ótýinshe, tekserý nátijesinde ýlaný sebepteri anyqtalyp, ShOB sýbektisiniń azyq-túlik ónimderin daiyndaý, tasymaldaý jáne satý barysyndaǵy sanitarlyq-epidemiologiialyq erejeni saqtaýyna baǵa beriledi.
«Stýdentter osy jyldyń 7 qazanynda juqpaly aýrýlar aýrýhanasyna ótkir takterialdy ishek juqpasymen jatqyzyldy. Ýlaný deregine bailanysty kásipker óz bastamasymen qoǵamdyq tamaqtaný nysanynyń jumysyn ýaqytsha toqtatty», - dedi S.Baiǵabylov.
Esterińizge sala ketsek, 2018 jyldyń qyrkúieginde atalǵan ýniversitettiń 16 stýdenti tamaqtan ýlanyp, qalalyq juqpaly aýrýlar aýrýhanasyna túsken bolatyn. Sol kezde tekserý barysynda ýniversitet ashanasynda sanitarlyq erejeniń kóptegen buzýshylyǵy anyqtalyp, kásipkerge 95 AEK kóleminde aiyppul salynǵan edi.
