Elordada ekinshi dúniejúzilik soǵys ardagerlerine 1 mln teńge kóleminde qarjylai kómek beriledi. Bul týraly "Ult aqparat" ákimdikke silteme jasap habarlaidy.
Nur-Sultanda qazirgi ýaqytta ekinshi dúniejúzilik soǵysynyń 25 ardageri turady.
Sonymen qatar basqa memleketterdiń aýmaǵyndaǵy urys qimyldarynyń ardagerlerine, iaǵni Tájikstan-Aýǵanstan ýchaskesinde Táýelsiz Memleketter Dostastyǵynyń shekarasyn qorǵaýǵa qatysqan áskeri qyzmetshilerge, Iraktaǵy halyqaralyq bitimgershilik operatsiiaǵa bitimger retinde qatysqan Qazaqstan Respýblikasynyń áskeri qyzmetshilerine, Taýly Qarabaqtaǵy etnosaralyq qaqtyǵysty retteýge qatysqan áskeri qyzmetshilerge, sondai-aq burynǵy KSR Odaǵy ishki ister jáne memlekettik qaýipsizdik organdarynyń basshy jáne qatardaǵy quramynyń ókilderine 20 AEK (58 340 teńge) kóleminde (708 adam) tólem jasalady.
Sol siiaqty jeńildikter boiynsha ekinshi dúniejúzilik soǵysynyń ardagerlerine teńestirilgenderge, naqtyraq aitqanda ekinshi dúniejúzilik soǵys kezinde qyzmet etken áskeri qyzmetkerlerge, fashistik Germaniiaǵa qarsy soǵys qimyldaryna qatysqan adamdarǵa, Leningrad qalasyndaǵy blokada kezinde jumys istegen azamattarǵa, kontslagerlerdegi, gettolardaǵy jáne basqa da májbúrlep ustaý oryndaryndaǵy kámeletke tolmaǵan tutqyndarǵa, áskeri maqsattaǵy obektilerdegi basqa da radiatsiialyq apattar men avariialardyń, iadrolyq synaqtardyń saldarynan múgedek bolǵan adamdarǵa jáne múgedektigi ata-anasynyń biriniń radiatsiialyq sáýle alýynan ziian shekken balalary sekildi azamattarǵa 35 AEK (102 095 teńge) kóleminde (415 adam) tólem jasalady.
