2021 jylǵy 7-8 shildede Nur-Sultan qalasynda Astana formatynda Siriia boiynsha joǵary deńgeidegi 16-shy halyqaralyq kezdesý ótedi. Bul týraly Syrtqy ister ministrligi habarlady.
Aldaǵy kezdesýde kepilger elder - Iran, Resei jáne Túrkiia, sondai-aq Siriianyń úkimeti men qarýly oppozitsiiasy ókilderiniń qatysýy josparlanýda. Baqylaýshylar retinde BUU, Iordaniia, Iraq pen Livannyń joǵary deńgeidegi ókilderi qatysady.
Kelissózderdiń kún tártibine kelesi máseleler kiredi: Siriiadaǵy, onyń ishinde áleýmettik-ekonomikalyq jáne sanitarlyq-epidemiologiialyq ahýal; Siriiaǵa halyqaralyq izgilik kómek kórsetý; Jenevadaǵy siriialyq Konstitýtsiialyq komitet jumysynyń jandaný perspektivalary; taraptar arasyndaǵy senimdi nyǵaitý, onyń ishinde tutqyndarmen almasý, kepilge alynǵandardy bosatý jáne iz-tússiz joǵalǵandardy izdeý.
Kelissózderdiń birinshi kúni ekijaqty jáne kepilger elderdiń úshjaqty konsýltatsiialaryn, siriialyq taraptarmen kelissózder, baqylaýshy taraptardyń delegatsiialarymen bailanystar , al ekinshi kúni konsýltatsiialardy jalǵastyrý jáne Jalpy otyrys ótkizý josparlanýda.
Sonymen qatar kepilger elderdiń, BUU jáne Halyqaralyq qyzyl krest komiteti sarapshylarynyń qatysýymen májbúrlep ustalyp otyrǵan tulǵalar boiynsha Jumys tobynyń kezekti otyrysy josparlanýda.
