Qarasha aiynyń 3-nen 4-ne qaraǵan túni Nur-Sultanǵa shet elderden 3 ushaq kelip qondy, dep habarlaidy "Ult aqparat" Nursultan Nazarbaev halyqaralyq áýejaiynyń baspasóz qyzmetine silteme jasap.
Áýe reisterin Air Astana, Belavia, Scat áýe kompaniialary oryndaǵan. Astanaǵa ushyp kelgen 369 jolaýshynyń 34-de PTR test anyqtamasy bolmaǵan. Olar PTR testiden ótkennen keiin koronavirýs anyqtalmasa - úiine, anyqtalsa - infektsiialyq statsionarǵa jatqyzylady.
Aita ketsek Shyǵys Qazaqstandaǵy epidemiologiialyq ahýaldy turaqtandyrý maqsatynda Vedomstvoaralyq komissiianyń tóraǵasy Eraly Toǵjanov birqatar shekteý sharalaryn engizýdi tapsyrǵan edi. Atap aitqanda 2 qarashadan bastap Óskemen men Nur-Sultan aralyǵyndaǵy reister sany aptasyna 17-den 7-ge deiin qysqardy. Al Shyǵys Qazaqstannan poiyzben jáne ushaqpen shyqqan azamattarda mindetti túrde koronavirýs juqtyrmaǵanyn rastaityn PTR anyqtama bolýy tiis.
Nursultan Nazarbaev halyqaralyq áýejaiy memlekettik organdarmen birge koronavirýs infektsiiasynyń aldyn alý úshin naqty sharalar keshenin júzege asyrýda:
● Jolaýshylar mindetti túrde termometriiadan ótýi kerek. Ol úshin teplovizorlyq smart-kameralar qoldanylady.
● Jolaýshylar terminalynda táýlik boiy sanitarlyq-karantindik beket brigadalary kezekshilikte júredi.
● Ishki jáne halyqaralyq reisterde ushý jáne qoný aýmaǵytarynda jolaýshylarǵa arnalǵan sanitaizerler ornatylǵan.
● Jolaýshylardy tirkeý, sonymen qatar Nursultan Nazarbaev halyqaralyq áýejaiynyń aýmaǵynda 1,5 mterlik áleýmettik qashyqty qamtamasyz etý tártibi edende naqty syzbamen kórsetilgen.
● Áýejaidyń ishki aýmaǵyn arnaiy dezinfektsiialyq quraldardy paidalana otyryp, sanitarlyq óńdeý jiiligi artty. Virýsqa qarsy belsendilikke ie antiseptik qoldanylady.
● Nursultan Nazarbaev halyqaralyq áýejaiyna keletin áýe kemeleriniń bári de dezinfektsiialyq óńdeýden ótedi. Sonymen qatar turaqty túrde jolaýshylarǵa qyzmet kórsetetin tehnikada dezinfektsiialyq jumystar júrgiziledi.
● Koronavirýs infektsiiasynyń taralýynyń aldyn alý boiynsha áýejai qyzmetkerlerimen nusqaýlyq júrgiziledi.
