Elordada qaýipsizdikti kúsheitý maqsatynda beinebaqylaý kameralarynyń sany arta túsedi. Bul týraly Nur-Sultan qalasynyń tsifrlandyrý jáne memlekettik qyzmet basqarmasynyń basshysy Botagóz Qasabek málim etti, dep habarlaidy QazAqparat.
«Qazir elorda aýmaǵynda 26 462 beinebaqylaý kamerasy ornatylǵan. Ótken jyldyń jeltoqsan aiynda qoǵamdyq oryndarǵa 500 jáne densaýlyq saqtaý mekemelerine 2 myńǵa jýyq kamera qoiyldy. Qaýipsizdikti qamtamasyz etý jobasy biyl da jalǵasyn tabady. Sonymen qatar biz memlekettik-jekemenshik seriktestik týraly zańǵa ózgeris engizdik. Jańa ózgeristerge sáikes memlekettik-jekemenshik seriktestiktermen birlesip, úi aýlalaryna «Sergek» beinebaqylaý kamerasyn ornatýdy qolǵa alyp jatyrmyz. Josparǵa sáikes aýlalarǵa 7,5 myń beinebaqylaý kamerasyn qoiamyz», - dedi Botagóz Qasabek qalalyq máslihattyń otyrysynda.
Onyń aitýynsha, atalǵan jobany júzege asyrýǵa biýdjetten qarajat talap etilmeidi.
«Búginde ázirleý jumystary júrip jatyr. Aýla kamerasyn ornatýda politsiia qyzmetiniń kómegine júginip otyrmyz. Beinebaqylaý kameralary úilerdiń buryshyna, iaǵni adam júre qoimaityn jerlerge qoiylady. Qala kún sanap ósip jatyr, sáikesinshe qaýipsizdikti kúsheitýdi talap etedi. Bul másele ásirese jańadan salynyp jatqan aýdandarǵa qatysty», - deidi ol.
