ەلوردادا قاۋٸپسٸزدٸكتٸ كٷشەيتۋ ماقساتىندا بەينەباقىلاۋ كامەرالارىنىڭ سانى ارتا تٷسەدٸ. بۇل تۋرالى نۇر-سۇلتان قالاسىنىڭ تسيفرلاندىرۋ جەنە مەملەكەتتٸك قىزمەت باسقارماسىنىڭ باسشىسى بوتاگٶز قاسابەك مەلٸم ەتتٸ, دەپ حابارلايدى قازاقپارات.
«قازٸر ەلوردا اۋماعىندا 26 462 بەينەباقىلاۋ كامەراسى ورناتىلعان. ٶتكەن جىلدىڭ جەلتوقسان ايىندا قوعامدىق ورىندارعا 500 جەنە دەنساۋلىق ساقتاۋ مەكەمەلەرٸنە 2 مىڭعا جۋىق كامەرا قويىلدى. قاۋٸپسٸزدٸكتٸ قامتاماسىز ەتۋ جوباسى بيىل دا جالعاسىن تابادى. سونىمەن قاتار بٸز مەملەكەتتٸك-جەكەمەنشٸك سەرٸكتەستٸك تۋرالى زاڭعا ٶزگەرٸس ەنگٸزدٸك. جاڭا ٶزگەرٸستەرگە سەيكەس مەملەكەتتٸك-جەكەمەنشٸك سەرٸكتەستٸكتەرمەن بٸرلەسٸپ, ٷي اۋلالارىنا «سەرگەك» بەينەباقىلاۋ كامەراسىن ورناتۋدى قولعا الىپ جاتىرمىز. جوسپارعا سەيكەس اۋلالارعا 7,5 مىڭ بەينەباقىلاۋ كامەراسىن قويامىز», - دەدٸ بوتاگٶز قاسابەك قالالىق مەسليحاتتىڭ وتىرىسىندا.
ونىڭ ايتۋىنشا, اتالعان جوبانى جٷزەگە اسىرۋعا بيۋدجەتتەن قاراجات تالاپ ەتٸلمەيدٸ.
«بٷگٸندە ەزٸرلەۋ جۇمىستارى جٷرٸپ جاتىر. اۋلا كامەراسىن ورناتۋدا پوليتسييا قىزمەتٸنٸڭ كٶمەگٸنە جٷگٸنٸپ وتىرمىز. بەينەباقىلاۋ كامەرالارى ٷيلەردٸڭ بۇرىشىنا, ياعني ادام جٷرە قويمايتىن جەرلەرگە قويىلادى. قالا كٷن ساناپ ٶسٸپ جاتىر, سەيكەسٸنشە قاۋٸپسٸزدٸكتٸ كٷشەيتۋدٸ تالاپ ەتەدٸ. بۇل مەسەلە ەسٸرەسە جاڭادان سالىنىپ جاتقان اۋداندارعا قاتىستى», - دەيدٸ ول.
