Elordadaǵy saýda oiyn-saýyq ortalyqtarynyń jumys ýaqyty 5 saǵatqa uzartyldy, dep habarlaidy "Ult aqparat".
Bul týraly qalanyń bas sanitar dárigeriniń jańa qaýlysynda aitylǵan.
«Saýda-oiyn-saýyq ortalyqtarynyń, saýda úileriniń, saýda ortalyqtarynyń jumysyna kúsheitilgen sanitarlyq tártipti saqtai otyryp, bir kelýshige 4 sharshy metr oryn qaldyrý arqyly jumys kestesin jumys kúnderi saǵat 10:00-den 22:00-ge deiin ruqsat berilsin», - dep jazylǵan qujatta.
Buǵan deiin saýda oiyn-saýyq ortalyqtarynda vakinalaý beketteri ornalaspaǵan bolsa, jumys kúnderi tek keshki saǵat 17.00-ge deiin jumys isteýine bolatyn.
Degenmen, senbi men jeksenbide atalmysh nysandar áli de jumys istemeidi.
Bul shekteýdiń atalǵan mekemelerde ornalaqsan dárihanalarǵa, azyq-túlik pen birinshi qajettiliktegi taýarlardy satatyn minimarketterge, sýpermarketter men gipermarketterge, «Ashyq» jobasyna qatysatyn obektilerge qatysy joq.
COVID-19-ǵa qarsy vaktsinalaý beketteri jumys istep turǵan nysandar úshin jumys jáne demalys kúnderi saǵat 8:00-den 22:00-ge deiin jumys rejimi belgilendi.
Degenmen ondaǵy attraktsiondardyń, balalardyń oiyn alańdarynyń, muzdy jáne rolikti syrǵanaqtardyń, oiyn ortalyqtarynyń jumysyna qatań tyiym salynady.
«Ashyq» jobasyna qatyspaityn fýdkorttarǵa jumysy tek tamaqty jetkizýge jáne shyǵarýǵa ruqsat etiledi. «Aktsiialardyń, jármeńkelerdiń, shoýrýmdardyń, utys oiyndarynyń ártúrli túrlerin oflain formatta ótkizýge tyiym salynady.
«Ashyq aýadaǵy attraktsiondardyń jumysy áleýmettik qashyqtyqty saqtaý arqyly, jumys jáne demalys kúnderi saǵat 10:00-den 22:00-ge deiin belgilei otyryp uiymdastyrylsyn» dep jazylǵan qaýlyda.
