Nur-Sultan qalasynyń Bas memlekettik sanitarlyq dárigeri Janna Pralievanyń jańa qaýlysyna sáikes, elordada saýda oiyn-saýyq ortalyqtaryna senbi kúni keshki saǵat 20:00-ge deiin jumys isteýge ruqsat beriledi, dep habarlaidy "Ult aqparat".
«Saýda oiyn-saýyq ortalyqtarynyń, saýda úileriniń, saýda ortalyqtarynyń jumysyn kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtai otyryp, bir kelýshige 4 sharshymetr esebinen toltyrylýyn 30 paiyzdan aspaityndai etýmen, rekreatsiia aimaqtarynda jáne demalys araldarynda satyp alýshylardyń bolýyna tyiym salýmen, jumys kestesi jumys kúnderi saǵat 10:00-den 23:00-ge deiin jáne senbi kúnderi saǵat 10:00-den 20:00-ge deiin belgilenip, jeksenbi jáne mereke kúnderi jumystaryna (olarda ornalasqan dárihanalar men tamaq ónimderin satatyn shaǵyn marketterdi, sýpermarketterdi jáne gipermarketterdi qospaǵanda) tyiym salýmen uiymdastyrylady», - delingen qaýlyda.
Bul rette kórsetilgen obektilerde jáne olardyń aýmaqtarynda ornalasqan attraktsiondardyń, balalardyń oiyn alańdarynyń, oiyn ortalyqtarynyń, kinoteatrlardyń, fýdkorttardyń jumysyna qatań tyiym salynady.
