Elordada qalyń kópshiliktiń sanitariia normalarynyń saqtalýy boiynsha reidter jalǵasýda, dep habarlaidy Nur-Sultan ákimdiginiń resmi saity.
Politsiia qyzmetkerleri, epidemiologtar, eriktiler men jergilikti atqarýshy organ ókilderinen quralǵan mobildi toptar karantin tártibin buzýshylardy anyqtaý jumystaryn jalǵastyrýda, dep habarlaidy elorda ákimdiginiń resmi saity.
Jalpy, 5 shildeden bastap Nur-Sultan qalasynda 570 buzýshylyq tirkeldi. Onyń 224-i maska taǵý, áleýmettik qashyqtyq saqtaýdyń mindetti talabyn, 346-sy tyiym salynǵan ýaqytta qyzmetin júzege asyrǵan kásipkerlik sýbektileriniń karantin tártibin buzýymen bailanysty.
Zańbuzýshylyqtar boiynsha materialdar taýarlar men kórsetiletin qyzmetterdiń sapasy men qaýipsizdigin baqylaý departamentine berildi. Reid kezinde politsiia oiyn-saýyq mekemelerin, qoǵamdyq tamaqtaný oryndaryn, saýnalar men monshalardy tekserip, ielerine qazirgi karantin sharalary týraly eskertedi.
«29 shilde, túngi saǵat 1-de aýmaqty tekserý barysynda Momyshuly kóshesindegi bardyń bas sanitariia dárigermen bekitilgen erejelerdi buza otyryp, jumys istegeni anyqtaldy. Bar kelýshilerge alkogoldik ishimdikterdi ózimen birge alyp ketý boiynsha qyzmet kórsetken. Sol kúni mobildi top Qabanbai batyr kóshesiniń boiyndaǵy kofehananyń túngi ýaqytta jumys istegenin anyqtady. Onda kelýshilerge kalian usynylǵan.
Kelýshilerge QRÁQBtK-tiń 441-baby boiynsha jeti ákimshilik hattama toltyryldy. Al mekeme ákimshisine qatysty jinalǵan materialdar ákimshilik is qozǵaý úshin taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi.
Sonymen qatar Bókeihan kóshesindegi kompiýter klýbynyń 29 jastaǵy iesi 30-dan astam kelýshini qabyldaǵan. Virtýaldy oiynshylar qashyqtyq saqtamai, sanitarlyq-epidemiologiialyq normalardy buzǵan», - dedi Nur-Sultan qalalyq Politsiia departamentiniń baspasóz qyzmeti.
Karantin tártibin buzýshylarǵa 30-dan 230 ailyq eseptik kórsetkishke deiin aiyppul salynýy múmkin. Nur-Sultan qalalyq Politsiia departamenti azamattarǵa karantin tártibin buzǵany úshin jaýapkershilik qarastyrylǵanyn eskertip, sanitariia normalaryn saqtaýǵa shaqyrady.
Aita keteiik, politsiia qyzmetkerleri men eriktiler de karantin tártibiniń saqtalýyn pysyqtady. Reidtik sharalar «Shapaǵat» kommýnaldyq bazarynyń mańynda jáne «Aqjaiyq» saiabaǵynda ótti. Turǵyndar men biznes ókilderine mindetti túrde maska taǵý, sonymen qatar áleýmettik qashyqtyq saqtaý týraly eskertildi.
