Elordadaǵy QR Ulttyq mýzeiinde «San qyrly simvolizm» atty toptyq kórme ashyldy, dep habarlaidy "Ult aqparat".
Týyndylardyń avtorlary: Qazaqstannyń tanymal sýretshileri, QR Sýretshiler odaǵynyń músheleri — Sembiǵali Smaǵulov, Serjan Bashirov, Zeinalhan Muhamedjan, Eraly Ospanov, Sadyr Káribai jáne Orazbek Esenbaevtar.
«Búgingi ótip jatqan sharanyń mańyzdylyǵyn ózderińiz bilesizder. Elimizdegi aldyńǵy qatarly óner sheberleri óz týyndylaryn sizderge pash etkeli otyr. Qazirgi ýaqytta Qazaqstan óneri dúnie júzine keńinen tanymal ekenin maqtanyshpen aitamyz. Ár ulttyń maqtanyshy - ónerdegi, sporttaǵy, qoǵamdaǵy jetistigi. Ulttyq mýzei qazirgi ýaqyttaǵy sýret, qolóner salasyndaǵy kórmeni shetelde uiymdastyrýǵa atsalysyp júr», - deidi QR Ulttyq mýzei direktory Arystanbek Muhamediuly.
Sondai-aq, QR Sýretshiler odaǵynyń múshesi Zeinelhan Muhamedjan atalǵan kórmeni uiymdastyrý 4-5 jyl buryn josparlanǵan joba bolǵanyn aitty.
«Kórmeniń osy Ulttyq mýzeide ótip jatýy biz úshin úlken mártebe. Osyndai múmkindik bergen Arystan Muhamediulyna rahmet. Sizderge kishkentai bolsyn rýhani azyq syilasaq, qýanamyz», - deidi ol.
Atalǵan kórme 28 aqpanǵa deiin jalǵasady.
