Prezident Qasym-Jomart Toqaevtyń Qazaqstan halqyna Joldaýynyń alǵashqy nátijeleri baiandaldy, dep habarlaidy QazAqparat.
«Syndarly qoǵamdyq dialog - Qazaqstannyń turaqtylyǵy men órkendeýiniń negizi» atty Prezident Joldaýyn iske asyrý máseleleri týraly ǵylymi-praktikalyq konferentsiia uiymdastyryldy.
«Saiasi turaqtylyq, ulttyq qaýipsizdik jáne el azamattary aldyndaǵy biliktiń jaýapkershiligin arttyrý Memleket basshysy saiasatynyń negizgi baǵyttary bolyp sanalady. Prezident usynǵan «Halyq únine qulaq asatyn memleket» tujyrymdamasy azamattardyń barlyq syndarly saýaldaryna jedel jáne tiimdi jaýap beretin bilik pen qoǵamnyń turaqty dialogyn qurý negizinde jatyr», - dedi QR Prezidenti Ákimshiligi basshysynyń birinshi orynbasary Darhan Qaletaev ǵylymi-praktikalyq konferentsiianyń ashylýynda.
Óz kezeginde QR Ulttyq ekonomika ministri Rýslan Dálenov Prezident Joldaýynda aitylǵan tapsyrmalardy júzege asyrýda úlken jumystar atqarylǵanyn jetkizdi. Atap aitqanda, ekonomikalyq qorytyndylar, kásipkerlikti qoldaý, óńirlerdi damytý, azamattardyń qatysýyn keńeitý, biýdjettiń fiskaldyq turaqtylyǵy salasynda ilgerileýshilik bar. Sondai-aq, biyl Memleket basshysynyń Joldaýynda aitylǵan tapsyrmalarda kórinis tapqan 5 jylǵa arnalǵan jańa memlekettik baǵdarlamalar ázirlendi.
«Biyl Qazaqstan ekonomikasy jqsy nátijeler kórsetip otyr. Bizde ekonomikanyń ósýi bar. JIÓ ósimi maýsym aiynda 2,9%-dan 4,1%-ǵa deiin jyldamdady, al 10 aidyń qorytyndysy boiynsha ósim 4,4%-dy qurady. Ekonomikalyq belsendiliktiń artýy kóbinese shikizattyq emes sektor óndirisi kóleminiń ulǵaiýymen negizdeledi. Onyń JIÓ ósýindegi úlesi 4,4%-dan 3,8 protsenttik tarmaqty qurady. Eki tańbaly ósim jeńil ónerkásipte (+18,9%) jáne farmatsevtikada (+15,2%), sondai-aq mashina jasaýda (+18,8%) baiqalady», - dedi ministr.
Jalpy óndiristik belsendilik eńbek naryǵynyń kórsetkishterine oń áser etti. Biylǵy qazan aiynda jumyssyzdyq deńgeii 4,8%-ti qurady. Halyqtyń naqty tabysy ósýde.
«2019 jyldyń 9 ai qorytyndysy boiynsha ósim 6,4%-dy qurady. Infliatsiia biylǵy qarashada aiynda 5,4%-ti qurady. Jalpy taýar ainalymy 70,4 mlrd teńgeni qurady. Aǵymdaǵy jyldyń qańtar-qyrkúiek ailarynda saýda teńgerimi $15 milliardtan asty. Eksport kólemi $42,7 milliardty, al import $27,6 milliardty qurady», - dedi Rýslan Dálenov.
